अनाथालयका लागि अभिनेता जोशीको २४० माइल ‘लण्डन टु पेरिस’ साइकल यात्रा • Nepal's Trusted Digital Newspaperअनाथालयका लागि अभिनेता जोशीको २४० माइल ‘लण्डन टु पेरिस’ साइकल यात्रा • Nepal's Trusted Digital Newspaper
  • होमपेज
  • अनाथालयका लागि अभिनेता जोशीको २४० माइल ‘लण्डन टु पेरिस’ साइकल यात्रा

अनाथालयका लागि अभिनेता जोशीको २४० माइल ‘लण्डन टु पेरिस’ साइकल यात्रा

  • समाचारपाटी
  • मङ्लबार, जेष्ठ ३, २०७९
अनाथालयका लागि अभिनेता जोशीको २४० माइल ‘लण्डन टु पेरिस’ साइकल यात्रा

काठमाडौँ । अभिनेता, निर्माता बिक्रम डि जोशीले २४० माइल (करिब ३८७ किमी) लामो दुरी साइकलबाटै पूरा गर्ने हुनुभएकाे छ । ‘ह्याप्पी डेज’,‘पासवर्ड’ तथा ‘हेल्लो जिन्दगी’ फिल्मका नायक जोशीले धुलीखेलमा हेल्प नेपाल नेटवर्कले संचालन गरेको चिल्ड्रेन्स् होम नामक अनाथालयलाई आर्थिक सहयोग जुटाउने उद्धेश्यले ६ जना नेपाली साथीहरुका साथ आगामी शुक्रबार अर्थात् २० ममा ‘लण्डन टु पेरिस च्यारिटी राइड’ गर्न लाग्नुभएकाे हाे ।

साइकल यात्रा टिममा जोशीसहित शुलभ पन्त, सुशील प्रसाईं, मनोज श्रेष्ठ, प्रसिद्ध प्रधान, सुनील कार्की र लक्ष्मण गुरुङ रहनुभएकाे छ । उहाँ हरुले शुक्रबार लण्डनको लण्डन ब्रिजबाट यात्रा सुरु गरेर लगातार तीन दिन साइकिलिङ्ग गर्दै २२ मेमा पेरिसको इफेल टावर पुग्ने लक्ष्य लिनुभएकाे छ । ‘हामीहरुको म्यानुअल साइकल (पाइडल घुमाउँदै) मार्फत लण्डनबाट पेरिस पुग्ने प्लान छं,’ अभिनेता जोशी भन्नुहुनछ, ‘साइकलमा यति लामो दुरी तय गर्ने प्रयास सायद पहिलोचोटी हुदैछ ।’ उहाँले यो यात्राका लागि तीन साता अघिदेखि मात्रै तयारी गर्नुभएकाे हाे । उहाँका साथीहरुले भने यो यात्राबारे चार बर्ष अघिदेखि योजना बनाउनुभएकाे रहेछ । ‘उहाँहरुले पहिलादेखिनै प्लान बनाएको भए तापनि अहिले आएर बल्ल साकार हुन लागेको छ,’ अभिनेता जोशीले भन्नुभयाे,‘यात्राका लागि म करिब तीन साता यता दैनिक चार पाँच घण्टा साइकल कुदाइ रहेको छु ।’ लामो समयदेखि नियमीत एक्सरसाइज गर्दै आइ रहेकाले छोटो समयको तयारीले पनि आफूलाई पूर्ण सफलता दिने बिश्वास उहाँको छ ।

साइकल यात्राका क्रममा लाग्ने सम्पूर्ण खर्च साइकल यात्रीहरु स्वयम्ले नै ब्यहोर्ने टिमको निर्णय छ । लण्डनदेखि पेरिस यात्रामा बीचमा पर्ने समुन्द्रमा भने उहाँहरु पानी जहाजमा यात्रा गर्नुहुनेछ ।

उलवीच अर्सेनल राइडर्स क्लव (डब्लुएआरसी) र नेपाल युथ एसोसिएसन युकेको आयोजनामा हुने साइकल यात्राबाट आफूहरुले कम्तीमा ५ हजार पाउन्ड (करिब पौने ८ लाख रु) संकलन गर्ने लक्ष्य लिएको उहाँले बताउनुभयाे । उहाँले यो अभियान सुरु भएदेखि बिभिन्न देशबाट ९८ जनाले करिब ३ हजार पाउण्ड सहयोग गरिसकेको बताउँदै जोकोहीले पनि जस्ट गिभिङ डटकम (justgiving.com) नामक अनलाइनमार्फत रकम सहयोग गर्न सक्ने जानकारी दिनुभएकाे छ । अनाथ बालबालिकाका लागि बिश्वभरबाट माया, साथ, सहयोग र हौसला दिनुहुन उहाँले सबैलाई अनुरोध गर्नुभएकाे छ ।

b joshi

 

 

आजको ट्रेन्डिङ समाचार

धेरै कमेन्ट गरिएका