गौतमबुद्ध विमानस्थलबाट २९ जेठ देखि जजिरा एयरवेजले नियमित उडान गर्ने • Nepal's Trusted Digital Newspaperगौतमबुद्ध विमानस्थलबाट २९ जेठ देखि जजिरा एयरवेजले नियमित उडान गर्ने • Nepal's Trusted Digital Newspaper
  • होमपेज
  • गौतमबुद्ध विमानस्थलबाट २९ जेठ देखि जजिरा एयरवेजले नियमित उडान गर्ने

गौतमबुद्ध विमानस्थलबाट २९ जेठ देखि जजिरा एयरवेजले नियमित उडान गर्ने

  • समाचारपाटी
  • बुधबार, बैशाख २८, २०७९
गौतमबुद्ध विमानस्थलबाट २९ जेठ देखि जजिरा एयरवेजले नियमित उडान गर्ने

काठमाडौं । भैरहवामा बनेको गौतमबुद्ध अन्तर्राष्ट्रिय विमानस्थलबाट नियमित उडानको अनुमति लिएको कुवेतको जजिरा एयरवेजले २९ जेठ -१२ जुन २०२२ बाट मात्र नियमित उडान गर्ने भएको छ । तर, सरकारले उद्घाटन तोकेको दिन २ जेठ -१५ मे २०२२ का दिन पनि जजिराले उद्घाटन उडान गर्ने भएको छ ।

अहिले काठमाडौंमा दैनिक एक उडान गरिरहेको जजिरा एयरवेजले सार्वजनिक गरेको तालिका अनुसार भैरहवाका लागि उड्ने जहाज जहाज कतारको दोहाबाट कुवेत जानेछ। कतारबाट सिधै भैरहवा आउन चाहने यात्रुले समेत यस उडानमा सेवा लिन सक्ने भएका छन् । उनीहरु कुवेतमा ट्रान्जिट भई जहाज सिधै भैरहवास्थित गौतमबुद्ध अन्तर्राष्ट्रिय विमानस्थलका लागि उड्ने भएको छ ।

२ जेठमा स्थानीय समय अनुसार ६ बजेर २० मिनेटमा दोहाबाट उड्ने जहाज स्थानीय समय अनुसार ७:४५ बजेट कुवेत अवतरण गर्नेछ । यो जहाज कुवेतमा ४ घण्टा ट्रान्जिट गरी स्थानीय समय अनुसार २३:४५ मिनेटमा गौतमबुद्ध अन्तर्राष्ट्रिय विमानस्थलका लागि जहाज उड्ने छ । यो जहाज नेपालको स्थानीय समयअनुसार बिहान ७ बजे गौतमबुद्ध विमानस्थलमा अवतरण गर्ने भएको छ ।

नियमित उडान भने २९ जेठ (१२ जुन)बाट सुरु हुनेछ । सो बेला भने दोहाबाट १५:३० मा उड्ने जहाज कुवेतमा १.३५ घण्टा ट्रान्जिट गरी भैरहवाका लागि उड्ने छ । नेपाली समय अनुसार राति १ :४५ बजे जहाज गौतमबुद्ध विमानस्थलमा उवतरण हुने गरी तालिका बनाइएको छ ।

जजिरा एयरवेजका अनुसार पूर्ण खोप लगाएका यात्रुले त्यसको प्रमाण देखाएर यात्रा गर्न सक्ने भएका छन् । खोप नलगाएको यात्रुको साथमा भने ७२ घण्टाभित्र पीसीआर परीक्षण गरी नेगेटिभ रिर्पोट आएको कार्ड बोक्नु पर्ने छ । नियमित उडान साताको तीन वटा हुनेछ । आइतबार, मंगलबार र बिहीबार उडानको मिति तोकिएको छ ।

source:-onlinekhabar

आजको ट्रेन्डिङ समाचार

धेरै कमेन्ट गरिएका