गरिबलाई साझबिहानको समस्या हुन दिन्नौ:- धनरान आचार्य • Nepal's Trusted Digital Newspaperगरिबलाई साझबिहानको समस्या हुन दिन्नौ:- धनरान आचार्य • Nepal's Trusted Digital Newspaper
  • होमपेज
  • गरिबलाई साझबिहानको समस्या हुन दिन्नौ:- धनरान आचार्य

गरिबलाई साझबिहानको समस्या हुन दिन्नौ:- धनरान आचार्य

  • समाचारपाटी
  • सोमवार, बैशाख २६, २०७९
गरिबलाई साझबिहानको समस्या हुन दिन्नौ:- धनरान आचार्य

पोखरा । पोखरा महानगरमा गठबन्धनबाट महानगरका मेयर धनराज आचार्यले गरिबीको रेखामुनी रहेकाहरुको परिचयपत्र बनाएर अवसर सिर्जना गर्ने बताउनुभएकाे छ ।

सोमबार पोखरा १७ को चुनावी सभालाई सम्बोधन गर्दै उहाँले पोखरा महानगरभर अझै पनि ९ प्रतिशत जनसंख्या गरिबीको रेखामुनी रहेकोले उनीहरुलाई अवसरका बाटो खोजिदिने बताउनुभयाे । उहाँले आफूहरुले जितेमा २ वर्षभित्र आधारभुत आवश्यकता पुरा गर्नका लागि रोजगारको व्यवस्था गर्ने प्रतिबद्धता व्यक्त गर्नुभयाे । मेयरको कुर्चीमा बसेको ४५ दिनभित्र गरिबीको परिचयपत्र वितरण गरेर रोजगारीको व्यवस्था गरेर शिक्षा, स्वास्थ्य, विद्युत, खानेपानीको महसुलमा केही प्रतिशत छुट दिएर अघि बढ्ने उहाँको भनाई थियो । रोजगारीको अवसर भएरपनि आफूलाई पुग्नेगरी कमाउने अवस्था नभएपछि युवाहरु विदेशीन बाध्य भएकाले उनीहरुलाई स्वदेशमै ल्याउने योजना अघि सारिने उहाँले बताउनुभयाे । पोखरा १७ मा रहेको अन्तर्राष्ट्रिय संग्राहलयको प्रबद्र्धनमा जोड दिने उहाँले योजना सुनाउनुभयाे ।

महानगरका अधिकांश महानगरमा गठबन्धन भएपनि कतिपय वडामा मित्रवत प्रतिस्पष्र्धामा गएको बताउँदै मेयर र उपमेयर साझा रहेकाले गठबन्धनलाई जिताउन उहाँको आग्रह थियो । गठबन्धन राष्ट्रिय आवश्यकता रहेको प्रस्ट्याउनुभयाे ।

गठबन्धनको तर्फबाट पोखरा महानगरपालिकाको उपमेयर पदकी उम्मेदवार कोपिला रानाभाटले गठबन्धनलाई नजिताए पोखरा पोखरा महानगरको विकास ५ वर्ष पछि पर्ने बताउनुभयाे । चुनावीसभामा बोल्दै गठबन्धनलाई नजिताए पाँच वर्ष एमालेले फेरी रजाई गर्ने र विकास नहुने जनाउनुभयाे । त्यसकारण पनि गठबन्धनलाई इमान्दार भएर जिताउन उहाँको अनुरोध थियो । चुनाव आउन ३ दिनमात्र रहेकाले २ दिन खटिनका लागि आग्रह गर्नुभयाे । ‘अबको ३ दिन तपाईँहरु खटिनुहोस हामी पाँच वर्ष खटिने छौ । अहिले महानगरको सबैभन्दा खतरा भनेको भ्रष्टचार हो । पोखरा महानगरपालिकालाई अब भ्रष्टचार मुक्त महानगर बनाउने छौँ’, उहाँले भन्नुभयाे । आफूहरुले जितेको खण्डमा पाँच वर्षसम्म महानगरको साझा जनप्रतिनिध भएर काम गर्ने प्रतिबद्धता पनि व्यक्त गर्नुभयाे ।

आजको ट्रेन्डिङ समाचार

धेरै कमेन्ट गरिएका