पोखरा–२१ का ‘सूर्य ध्यजावाहक उमेद्वार’ लाई मतदाताको सौहार्द स्वागत • Nepal's Trusted Digital Newspaperपोखरा–२१ का ‘सूर्य ध्यजावाहक उमेद्वार’ लाई मतदाताको सौहार्द स्वागत • Nepal's Trusted Digital Newspaper
  • होमपेज
  • पोखरा–२१ का ‘सूर्य ध्यजावाहक उमेद्वार’ लाई मतदाताको सौहार्द स्वागत

पोखरा–२१ का ‘सूर्य ध्यजावाहक उमेद्वार’ लाई मतदाताको सौहार्द स्वागत

  • समाचारपाटी
  • आइतवार, बैशाख २५, २०७९
पोखरा–२१ का ‘सूर्य ध्यजावाहक उमेद्वार’ लाई मतदाताको सौहार्द स्वागत

पोखरा । स्थानीय तह निर्वाचन मिति नजिकिएसँगै चुनावी गतिविधिले पनि तिव्रता पाएको छ । विभिन्न राजनीतिक दलहरु मतदाता भेटघाटमा व्यस्त छन् । नेकपा एमालेका तर्फबाट पोखरा–२१ का उमेद्वार बिहीबार र शुक्रबार मतदाताको घरआँगन पुग्दा सौहार्द स्वागत पाउनुभयाे ।

रुद्राक्षको माला, अबिर र खादासहित उमेद्वारलाई स्वागत गरेका मतदाताले विजयको शुभकामना समेत दिएका थिए । बिहीबार पोखरा २१ स्थित चापाको चौर, मैदान, पुरानो साम्मी लगायतका क्षेत्रमा सूर्य ध्वजावाहक उमेद्वार पुगिरहँदा मतदाताको स्वागतले माहौललाई हौसायो ।
चापाको चौरमा आयोजित सभामा बोल्दै नेकपा एमाले पोखरा २१ इन्चार्ज अर्जुन गिरीले वियय सुनिश्चित रहेको जनाउँदै अब मतान्तर बढाउने तर्फ ध्यान केन्द्रित रहेको बताउनुभयाे । उहाँले भन्नुभयाे, ‘पोखरा २१ एमालेको लालकिल्ला हो भने अभियान मार्ग लालकिल्लाको पनि लालकिल्ला हो । हामी जित्छौं, यस कुरामा कुनै द्धविधा छैन । कति मतान्तरले जित्छौं भन्ने मात्रै हो ।’

नेकपा एमाले पोखरा २१ का अध्यक्ष राजेन्द्र थापाले वडाको विकासका कार्यमा एमाले नै अग्रणी भूमिकामा रहेको उल्लेख गर्दै बाँकी कार्य पुरा गर्ने अभिभारा पनि एमालेकै उमेद्वारले पुरा गर्ने बताउनुभयाे । यस्तै पार्टीका तर्फबाट पोखरा २१ का वडाध्यक्ष उमेद्वार दिपकप्रसाद पौडेलले वडाको थप समृद्धिका लागि एकमात्र विकल्प एमाले रहेको बताउनुभयाे । मतदातालाई होस्टेमा हैसेका लागि आग्रह गर्दै भन्नुभयाे, ‘तपाईहरुको सल्लाह अनुरुप नै हामी अघि बढ्ने हो । यहाँका समस्याबारे म जानकार छु । कतिपय काम भएका छन् । तर अझैपनि वडाको मुहार फेर्ने काम बाँकी छन् । त्यसका लागि हामी योजना सहित तयार छौं ।’

बिहीबार पोखरा ५ का वडाध्यक्ष एवं महानगरका प्रवक्ता धनबहादुर नेपालीले वडावासीलाई पार्टीको प्रतिबद्धताबारे जानकारी गराउनुभयाे । उमेद्वारबारे विभिन्न अफवाह फैलाइएकोबारे जानकारी गाराउँदै उहाँले त्यसको पछि नलाग्न आग्रह गर्नुभयाे । उहाँले महानगरका सबै सूर्य ध्वजावाहक उमेद्वारलाई विजयी गराउन आग्रह गर्नुभयाे ।

शुक्रबार बृहत् र्याली सम्पन्न
नेकपा एमाले पोखरा २१ ले शुक्रबार बृहत् मोटरसाइकल  रर्याली सम्पन्न गरेको छ । पोखरा २१ को निर्मलपोखरी, कृष्ती लगायतका स्थानमा ५ सय बढी कार्यकर्ताको उपस्थितिमा रर्याली सम्पन्न गरिएको हो ।

रर्यालीपछिको कोणसभालाई प्रदेश कमिटी सचिवालय सदस्य चन्द्र रोकाय, नेकपा एमाले कास्की सदस्य हिरा गिरी, पोखरा २१ का इन्चार्ज अर्जुन गिरी, पार्टीका वडाध्यक्ष राजेन्द्र थापा, अनेरास्ववियु पोखरा महानगरका अध्यक्ष डिएन लामिछाने, अनेरास्ववियु कास्की अध्यक्ष विजय पौडेल लगायतले सम्बोधन गर्नुभएकाे थियाे । विकास र समृद्धिका लागि एमालेका सबै उमेद्वालाई मत अपरिहार्य रहेको उहाँहरुको भनाई थियो ।

arjungiri bike rally

आजको ट्रेन्डिङ समाचार

धेरै कमेन्ट गरिएका