चुनाव जिते मादी नदीमा र्याफ्टिङ, गाउँगाउँमा होमस्टे चलाउँछौँः महेन्द्र गुरुङ • Nepal's Trusted Digital Newspaperचुनाव जिते मादी नदीमा र्याफ्टिङ, गाउँगाउँमा होमस्टे चलाउँछौँः महेन्द्र गुरुङ • Nepal's Trusted Digital Newspaper
  • होमपेज
  • चुनाव जिते मादी नदीमा र्याफ्टिङ, गाउँगाउँमा होमस्टे चलाउँछौँः महेन्द्र गुरुङ

चुनाव जिते मादी नदीमा र्याफ्टिङ, गाउँगाउँमा होमस्टे चलाउँछौँः महेन्द्र गुरुङ

  • समाचारपाटी
  • बिहिबार, बैशाख २२, २०७९
चुनाव जिते मादी नदीमा र्याफ्टिङ, गाउँगाउँमा होमस्टे चलाउँछौँः महेन्द्र गुरुङ

पोखरा । नेकपा एमालेबाट कास्कीको मादी गाउँपालिका अध्यक्ष उम्मेद्वार शिवबहादुर गुरुङ (महेन्द्र)ले निर्वाचित भए गाउँपालिकालाई टुरिजम हब बनाउने प्रतिबद्धता जाहेर गर्नुभएकाे छ । बुधबार मादी ५ ठूलास्वाँरामा आयोजित चुनावी सभामा बोल्दै उहाँले मादीमा पर्यटनको अहिलेभन्दा पनि राम्रो सम्भावना भएको बताउनुभयाे ।

मादी–५ बयरघारीमा कृत्रिम ताल बनाउनेसहित मादीका गाउँमा पिकनिक स्पोर्ट, बिबिक्यु स्पोट, वाटर–स्पोर्ट, डेजर्ट बाइकजस्ता एडभेन्चर योजना आफूसँग रहेको महेन्द्रले सुनाउनुभयाे । यी गतिविधिले होटल–रेष्टुरेन्ट चलेपछि गाउँमै रोजगारी सिर्जना हुने भएकाले विदेशीने बाध्यता नहुने उहाँले बताउनुभयाे ।

चुनाव जितेमा मादी नदीमा  र्याफ्टिङ सञ्चालन गरेर पर्यटकलाई आकर्षित बनाउने उहाँको प्रतिबद्धता छ । ‘ठूलास्वाँराजस्ता भर्खर होमस्टे सञ्चालन गर्दै गरेको ठाउँ थुप्रै छन् । होमस्टे राम्रो बनाउन तालिम पनि आवश्यक छ । त्यसको लागि तालिम सञ्चालन गर्ने छु,’ उहाँले भन्नुभयाे, ‘मादीका सुन्दर गाउँहरुलाई होमस्टेको रुपमा विकास गर्नेछु।’ गाउँका पर्यटकीय सम्भावनालाई उजागर गरेर गरिबी न्यूनिकरण गर्न सकिने उहाँको भनाइ छ ।

उपाध्यक्ष उम्मेद्वार कल्पना गुरुङले एक कार्यकाल गाउँ कार्यपालिका सदस्य हुँदा उत्पीडित समुदायको समस्या देखेको र चुनाव जितेमा त्यसलाई समाधान गर्न आफू लाग्ने बताउनुभयाे । ‘भन्नलाई नारीले आधा आकाश ढाकेका छन् भन्छौँ तर हामी पिछ्डिएकै छौँ । त्यसैले सम्पूर्ण नारीको प्रतिनिधित्व गरेर आएकी छु,’ उहाँले भन्नुभयाे, ‘महिलाहरुको क्षमता अभिवृद्धि र अर्थोपार्जनसँग जोड्न प्रयत्न गर्ने प्रतिबद्धता गर्दछु ।’ चुनाव जिते शासक नभई, सेवक भएर काम गर्ने उहाँले बताउनुभयाे ।

मादीमा नेकपा (एमाले)बाट प्रमुखमा शिवबहादुर गुरुङ (महेन्द्र) संगै उपप्रमुखमा कल्पना गुरुङ, मादी १ मा उमरबहादुर गुरुङ, २ मा एकजंग गुरुङ, ३ मा ज्यामप्रसाद गुरुङ, ४ मा शिवप्रसाद सापकोटा, ५ मा सुब्बा गुरुङ, ६ मा डिलबहादुर क्षेत्री, ७ मा रामप्रसाद गुरुङ, ८ मा प्रेमबहादुर गुरुङ, ९ मा मनोजकुमार गुरुङ, १० मा रामराज सुवेदी, ११ मा सिंहमान तामाङ र १२ मा प्रकाश बराल एमालेबाट वडाध्यक्षका
उम्मेद्वार हुनुहुन्छ ।

एमालेले मादी ४ र ५ नम्बर वडाका गाउँहरु ठुलस्वाँरा, वयारघारी, थाम, लंकाछर, मादी बेसीमा बुधबार घरदैलो र चुनावी सभा गरेको छ । चुनावी सभामा नेपाली कांग्रेस परित्याग गरी ६ जना युवा एमाले प्रवेश गर्नुभएकाे छ । लंकाछरका तुलजंग गुरुङ, एकबहादुर गुरुङ, सन्तोष गुरुङ, बेलबहादुर गुरुङ,रूमबहादुर गुरुङ र पिटर गुरुङ एमाले प्रवेश गर्नुभएकाे हाे ।

mahendra gurung 2 1

आजको ट्रेन्डिङ समाचार

धेरै कमेन्ट गरिएका