पहिलो प्रथामिकता कास्कीकोटमा सहज खानेपानीको उपलब्धता :- उमेदवार आचार्य • Nepal's Trusted Digital Newspaperपहिलो प्रथामिकता कास्कीकोटमा सहज खानेपानीको उपलब्धता :- उमेदवार आचार्य • Nepal's Trusted Digital Newspaper
  • होमपेज
  • पहिलो प्रथामिकता कास्कीकोटमा सहज खानेपानीको उपलब्धता :- उमेदवार आचार्य

पहिलो प्रथामिकता कास्कीकोटमा सहज खानेपानीको उपलब्धता :- उमेदवार आचार्य

  • समाचारपाटी
  • बिहिबार, बैशाख २२, २०७९
पहिलो प्रथामिकता कास्कीकोटमा सहज खानेपानीको उपलब्धता :- उमेदवार आचार्य

पाँच दलिय गठबन्धनका तर्फबाट पोखरा महानगरपालिकाको प्रमुख पदका उमेदवार धनराज आचार्यले आफु निर्वाचित भएपछि कास्कीकोटका जनतालाई शुद्ध खानेपानीको व्यवस्थापन गर्ने प्रतिवद्धता जनाउनुभएकाे छ ।

पोखरा २४ कास्कीकोटमा आयोजित चुनावी सभालाई सम्बोधन गर्दै उमेदवार आचार्यले महानगरवासी भएरपनि सहज खानेपानीको उपभोगबाट बञ्चित हुनु बिडम्बना भन्दै कास्कीकोटका नागरिकलाई खानेपानी उपलब्ध गराउने आफ्नो पहिलो प्राथामिकता हुने बताउनुभएकाे हाे ।

उहाँले भन्नुभयाे, ‘कोट पोखरी र पाटनले बनेको शहर हो पोखरा, हाम्रा पुर्खाले निर्माण गरेका कोट पोखरी अहिले संरक्षणको अभावमा लोप हुने अवस्थामा छन्, यि कोट पोखरीको संरक्षण गर्नु स्थानिय सरकारको दायित्व हो ।’ कास्कीकोटको ऐतिहासिकतालाई जिवन्त राख्नु पर्नेमा जोड दिदै उमेदवार आचार्यले कश्यप ताल पोखरीमा बदलिएको देख्दै गर्दा आफु दुखी भएको बताउनुभएकाे थियाे ।

नगरप्रमुखमा निर्वाचित भएपछि संरक्षणको अभावमा दिनदिनै घटिरहेको कश्यप तालको महत्वलाई उजागर गर्ने आचार्यले बताउनुभएकाे छ । कश्यप ऋषिको कहानी र तालको ऐतिहासिकता माथी चर्चा नहुदाँ अझेलमा परेको उहाँले बताउनुभयाे । तालको थप सौन्दर्यकरण गरि यसको पानी कुनैपनि मौषममा नघट्ने अवस्थामा पुर्याइने उहाँले बताउनुभयाे ।

पर्यटन विकासका कयौ सम्भावनाहरु माथी नजरअन्दाज गरिदाँ आर्थिक रुपमा समेत घाटा बेहोर्नु परेको बताउनुभएका उहाँले पर्यटनलाई ब्राण्डिङ् गर्नुपर्नेमा जोड दिनुभयाे । पर्यटन विकासका लागि आवश्यक अल्पकालिन, मध्यकालिन र दीर्घकालिन योजनाहरु पनि गठबन्धनका उमेदवारहरुसंग रहेको अचार्यले बताउनुभयाे ।

महानगरपालिकाको पहिलो बैठकबाट नागरिकसंग प्रत्यक्ष रुपमा जोडिने अत्यावश्यक सेवाका सम्बन्धमा निशुल्क साथै न्युनतम शुल्क तय गरिने आचार्यले बताउनुभयाे । यस्तै पोखरालाई पर्यटनको राजधानी शहरका रुपमा घोषणा गर्नका लागि संघिय सरकार मार्फत निर्णय गराईने पनि उहाँले बताउाुभयाे ।

आचार्यका अनुसार पोखरा महानगरपालिकाको विकास ३ तहमा बाँडेर गर्नु उपयुक्त हुनेछ । शहर तथा ग्रामिण भुगोलको अवस्था हेरिकन विकासका योजनाहरु बनाउनु पर्ने आवश्यकतामा उहाँले जोड दिनुभयाे । पोखराका ३३ वटै वडामा शैक्षिक सुधारको अभियान चलाउने उहाँले बताउनुभयाे । यस्तै प्रत्येक वडामा विशेषज्ञ सहितको प्रभावकारी स्वास्थ्य सेवा दिने उमेदवार आचार्यले प्रतिबद्धता पनि व्यक्त गर्नुभए काे छ ।

 

आजको ट्रेन्डिङ समाचार

धेरै कमेन्ट गरिएका