नेकपा एमाले पोखरा वडा नं १५ ले आजदेखि घरदैलो कार्यक्रमलाई तिव्रता • Nepal's Trusted Digital Newspaperनेकपा एमाले पोखरा वडा नं १५ ले आजदेखि घरदैलो कार्यक्रमलाई तिव्रता • Nepal's Trusted Digital Newspaper
  • होमपेज
  • नेकपा एमाले पोखरा वडा नं १५ ले आजदेखि घरदैलो कार्यक्रमलाई तिव्रता

नेकपा एमाले पोखरा वडा नं १५ ले आजदेखि घरदैलो कार्यक्रमलाई तिव्रता

  • समाचारपाटी
  • शुक्रबार, बैशाख १६, २०७९
नेकपा एमाले पोखरा वडा नं १५ ले आजदेखि घरदैलो कार्यक्रमलाई तिव्रता

पोखरा। नेकपा एमाले वडा नं १५ ले आजदेखि घरदैलो तथा मतदाता भेटघाट कार्यक्रमको थालनी गरेको छ। पाँचै जना उम्मेद्वारसहित कार्यकर्ताको टोलीले आज फूलबारी होटलको दोस्रो गेटदेखि घरदैलो तथा भेटघाट कार्यक्रमको थालनी गरेको हो।

कार्यक्रमलाई सम्बोधन गर्दै वडा नं १५ का वडा अध्यक्ष पदका प्रस्तावित उम्मेद्वार तोरण बहादुर बानियाँले आसन्न निर्वाचनमा सूर्य चिन्हमा मतदान गरी नेकपा एमालेलाई जिताउन घरदैलो कार्यक्रमको थालनी गरिएको बताउनुभयाे। सामाजिक अभियन्ता समेत रहनुभएका बानियाँले हिजो गरिएका सामाजिक कामको प्रेरणाले आफूहरुलाई वडा वासीले बहुमतले जिताउने विश्वास गर्नुभयाे। नेकपा एमाले पार्टी मात्र नभई परिवार भएकाले वडा नं १५ लाई राम्रो वडा, हाम्रो वडा र सुखी सम्वृद्ध वडा बनाउने उद्देश्यका साथ अगाडि बढेकाले यो उद्देश्यलाई पूरा गर्न आफुहरुले चाहेर मात्र सम्भव नहुने भएकाले वडा वासीको साथ सहयोग र समर्थनको खाँचो रहेको औंल्याउनुभयाे। उहाँले सूर्य चिन्हमा मतदान गरी आफूहरु पाँचै जनालाई निर्वाचित गराउन स्थानीयसँग आग्रह गर्नुभयाे।

कार्यक्रममा खुल्ला सदस्य पदका उम्मेद्वार आशिष भण्डारीले विकास र परिवर्तनका लागि युवाहरुको नेतृत्व गर्दै आफू समग्र वडा नं १५ को तल्लो क्षेत्रको प्रतिनिधित्व गर्दै अगाडि सरेको बताउनुभयाे। उहाँले हिजोका दिनमा छुटेका विकासका कामहरुलाई अगाडि बढाउन अब आउने पाँच वर्षमा तल्लो क्षेत्रलाई समेटेर लैजाने सक्ने युवा र आफ्नो भाई, छोरा भएको नाताले आफूलाई विश्वास गरी अत्याधिक मतले निर्वाचित गराउन आग्रह गर्नुभयाे। उहाँले अबको पाँच वर्षमा समग्र १५ नंवर वडा र विशेष गरी तल्लो क्षेत्रसँग मन जोड्नका लागि पुलको रुपमा आएको स्पष्ट पार्नुभयाे। उहाँले आफ्नो वडा वासिको दुख पीडालाई बुझेर सबैको भावनालाई समेटेर अगाडि बढ्ने पनि प्रतिवद्धता व्यक्त गर्नुभयाे।

यस्तै, दलित महिला सदस्य पदकी उम्मेद्वार मन्दिरा परियारले वडाका महिला तथा दलित महिलाको गुनासो सुन्न र समस्याको समाधान गर्न पुनः आफूले उम्मेद्वारी दिएको बताउनुभयाे। यसअघि पनि वडा वासीको बहुमतले बिजयी भएको स्मरण गर्दै परियारले महिला उत्थान र महिला स्वरोजगारका कार्यक्रमहरु ल्याउने भन्दै आफुहरुलाई निर्वाचित गर्न आग्रह गर्नुभयाे ।

यस्तै, खुल्ला सदस्यकै उम्मेद्वार वलराम पौडेलले विकास निर्माणमा जनजनको मन जोडिनुपर्ने भन्दै सबैको मन जोडिए मात्रै फूल्न र फल्न सक्ने बताउनुभयाे । उहाँले वडामा सबै आफ्ना छिमेकी भएकाले हिजो पनि सँगै रहेको र अबपनि हर समस्यामा सँगै रहने र वडा वासीलाई साथ दिने बताउनुभयाे। उहाँले आफ्नो वडामा सबैको नहरको फोहोर थुप्रिने डम्पिङ बनेको भन्दै त्यसको व्यस्थापन र सिंचाईलाई व्यवस्थित गर्ने प्रतिवद्धता व्यक्त गर्नुभयाे।

महिला सदस्य उम्मेद्वार सेतीमाया गुरुङले आफ्नो परिचय दिँदै आफू भूमिहिन संगठनको केन्द्रिय सदस्य भएकाले वडाका भूमिहीन दिदीबहिनी तथा वस्तिका लागि केहि सहयोग गर्न सक्छु कि भनेर आफू अगाडि सरेको बताउनुभयाे। उहाँले पार्टीले आफूलाई दिएको जिम्मेवार सफलता पूर्वक निर्वाह गर्ने बताउनुभयाे।

यस्तै, कार्यक्रम संयोजक विष्णु गिरिले शुभकामना व्यक्त गर्दै फूलबारी क्षेत्र पहिले पिछडिएको ठाउँ भएपनि नेकपा एमालेले यहाँ धेरै विकासका काम गरेको दाबी गर्नुभयाे। उहाँले शुरुआती दिनमा फूलबारी आमा समुहमा आफू मात्र एक्लै एमाले भएर चिनिएकोमा अहिले समुहका सबै दिदीबहिनी एकजुट हुँदा खुशी लागेको बताउनुभयाे। उहाँले घरदैलो कार्यक्रमलाई सफलताको शुभकामना दिँदै निर्वाचित भएपछि यही ठाउँबाट विकासका कार्य अगाडि बढाउन सुझाव दिनुभयाे।

कार्यक्रम संचालिका पार्वती कार्कीले यस अगाडि रातो रङको सूर्यमा मतदान गरिँदै आइएकोमा आसन्न निर्वाचनमा हरियो रङको सूर्यमा मतदान गर्न आग्रह गर्दै मतदाता शिक्षाको लागि आफूहरु घर घरमा जाने बताउनुभयाे।

आजको ट्रेन्डिङ समाचार

धेरै कमेन्ट गरिएका