सौगात, बुद्धि र दीया स्टारर चलचित्र ‘मन्त्र’ आजदेखि प्रदर्शनमा • Nepal's Trusted Digital Newspaperसौगात, बुद्धि र दीया स्टारर चलचित्र ‘मन्त्र’ आजदेखि प्रदर्शनमा • Nepal's Trusted Digital Newspaper
  • होमपेज
  • सौगात, बुद्धि र दीया स्टारर चलचित्र ‘मन्त्र’ आजदेखि प्रदर्शनमा

सौगात, बुद्धि र दीया स्टारर चलचित्र ‘मन्त्र’ आजदेखि प्रदर्शनमा

  • समाचारपाटी
  • शुक्रबार, बैशाख १६, २०७९
सौगात, बुद्धि र दीया स्टारर चलचित्र ‘मन्त्र’ आजदेखि प्रदर्शनमा

काठमाडौं । शुक्रबारदेखि नयाँ नेपाली चलचित्र ‘मन्त्र’ देशव्यापी प्रदर्शनमा आएको छ । खिलबहादुर गुरुङ निर्देशित चलचित्र‘मन्त्र’मा सौगात मल्ल, बुद्धि तामाङ र दीया पुनको मुख्य भूमिका रहेको छ ।

मनास्लु हिमाल आसपासको सुन्दर लोकेशनमा छायाँकन गरिएको चलचित्रले हिमाली प्रेमकथा प्रस्तुत गर्छ । केटी भगाएर (छोपेर) लैजाने त्यहाँको स्थानीय संस्कृतिलाई चलचित्रमा प्रस्तुत गरिएको छ । गत बुधबार राजधानीमा गरिएको ‘प्रिमियर’मा चलचित्रकर्मीबाट ‘मन्त्र’लाई उत्कृष्ट प्रतिक्रिया मिलेको थियो ।

छायाँकन, लोकेशन, ब्याकराउण्डस्कोर, कथावस्तुलाई चलचित्रकर्मीले खुलेर प्रशंसा गर्नुभएकाे थियाे । चलचित्रमा नमिता तामाङ, पासाङ टी शेर्पा र वीरबहादुर लामा लगायतको पनि अभिनय रहेको छ ।

चलचित्रलाई आम दर्शकले रुचाउनेमा निर्माण टिम विश्वस्त देखिएको छ । परिक्षेद सेनको कथा रहेको चलचित्रमा साम्तेन भुटिया, सुनिल निउरे र सेन स्वयंको पटकथा रहेको छ । सुरेश कार्की, रविराज कार्की र सुभ श्रेष्ठ निर्माता रहेको चलचित्रको कार्यकारी निर्माता देवेन्द्र मानन्धर हुनुहुन्छ । सञ्जय लामाको छायांकन रहेको चलचित्रमा मित्र डि.गुरुङको सम्पादन रहेकाे छ ।

आजको ट्रेन्डिङ समाचार

धेरै कमेन्ट गरिएका