गैरआवासीय नेपाली संघ अमेरिकाको अध्यक्षमा कृष्ण लामिछाने चयन • Nepal's Trusted Digital Newspaperगैरआवासीय नेपाली संघ अमेरिकाको अध्यक्षमा कृष्ण लामिछाने चयन • Nepal's Trusted Digital Newspaper
  • होमपेज
  • गैरआवासीय नेपाली संघ अमेरिकाको अध्यक्षमा कृष्ण लामिछाने चयन

गैरआवासीय नेपाली संघ अमेरिकाको अध्यक्षमा कृष्ण लामिछाने चयन

  • समाचारपाटी
  • मङ्लबार, बैशाख १३, २०७९
गैरआवासीय नेपाली संघ अमेरिकाको अध्यक्षमा कृष्ण लामिछाने चयन

गैरआवासीय नेपाली संघ (एनआरएनए) अमेरिकाको अध्यक्षमा कृष्ण लामिछाने चयन हुनुभएकाे छ । गैरआवासीय नेपाली संघ अमेरिका क्षेत्रीय संयोजक प्रकाश सापकोटाका अनुसार यसअघि बुद्धि सागर सुबेदीको अध्यक्षतामा रहेको कार्यसमिति संघको ८२ औं बैठकको निर्णय बमोजिम स्वतः खारेज भएपछि लामिछानेलाई नयां जिम्मेवारी दिइएको हो ।

गैर आवासीय नेपाली संघ, राष्ट्रिय समन्वय परिषद् अमेरिकाले दिएको समय सीमा भित्र आफ्नो सदस्यताको बापतको तिर्नु पर्ने रकम पटक पटक ताकेता गर्दा समेत संघको केन्द्रीय कार्यालयमा नतिरे पछि सुवेदीको कार्यसमिति कार्यवाहीमा परेको सापकोटाले जानकारी दिनुभयाे । संघको विधान अनुरुप केन्द्रको निर्णय नमान्ने राष्ट्रिय समितिको आबद्धता खारेज गर्न सकिने प्रावधान रहेको छ ।

गैर आवासीय नेपाली संघको विधान २००३ को (संसोधन २०२१० दफा १७। ७) अनुसार सुबेदीको नेतृत्वमा रहेको कार्य समितिको मान्यता स्वतः खारेज भई नयाँ कार्यसमितिको निर्वाचनका लागि तदर्थ समिति गठन गर्नु पर्ने अवस्था आएको सापकोटाले जनाउनुभयाे ।

सुवेदी संघका पूर्वअध्यक्ष शेष घले निकटवर्ती मानिनुहुन्छ । उहाँले २० हजार पंन्जिकृत सदस्यहरुको सदस्यता शुल्क करिब १ लाख डलर केन्द्रमा बुझाउनुभएकाे छैन् ।

यसअघि एनआरएनए अमेरिका क्षेत्रीय समितिको एक बैठकले सुवेदीको कार्यकालको लागि धन्यवाद दिदै सबै हरहिसाव बुझाउन निर्देशन दिने निर्णय गरेको थियो । बैठकमा क्षेत्रीय उपसंयोजकद्धय अभिमन्यु बस्नेत, पशुपती पाण्डे, पुरुषोत्तम बोहरा लगायतको उपस्थिति थियो । संयोजक सापकोटाले क्षेत्रीय समितिको पछिल्लो निर्णय संघका अध्यक्षत्रय कुल आचार्य, रविना थापा र डा बद्री केसीलाई जानकारी दिएको बताउनुभयाे ।

यस्तै गैरआवासीय नेपाली संघ यूके समेत संघको विधान बमोजिम खारेजीको अवस्थामा पुगेको छ । संघलाई तिर्न पर्ने करिब ६० लाख रुपैया बकौता रहदा एनआरएनए यूकेको कार्यसमिति विगठनमा परेको हो । बेलायतस्थित केही अगुवाहरुले यसै साता एक भेलाको आयोजना गरि नयाँ तर्दश समिति गठनको तयारी गरेका छन् ।

एनआरएनए अमेरिका र यूकेको नयां विवादले संघका कार्यकारी अध्यक्ष कुल आचार्यमाथि थप चुनौती थपिएको छ । यसअघि संघको ८३ औं बैठकले राष्ट्रिय समितिमा भएको विवाद मिलाउन महासचिवद्धय डा. केशव पौडेल र गौरीराज जोशीलाई दिएको थियो ।

 

0002 scaled

 

 

आजको ट्रेन्डिङ समाचार

धेरै कमेन्ट गरिएका