सांघाइमा कोभिडबाट एकै दिन ३९ जनाको मृत्यु • Nepal's Trusted Digital Newspaperसांघाइमा कोभिडबाट एकै दिन ३९ जनाको मृत्यु • Nepal's Trusted Digital Newspaper
  • होमपेज
  • सांघाइमा कोभिडबाट एकै दिन ३९ जनाको मृत्यु

सांघाइमा कोभिडबाट एकै दिन ३९ जनाको मृत्यु

  • समाचारपाटी
  • सोमवार, बैशाख १२, २०७९
सांघाइमा कोभिडबाट एकै दिन ३९ जनाको मृत्यु

चीनको सांघाइमा कोभिडबाट आइतबार एकै दिन ३९ जनाको मृत्यु भएको छ । योसँगै सांघाइमा कोभिडबाट मृत्यु हुनेको संख्या ८७ पुगेको त्यहाँको नेसनल हेल्थ कमिसनले जनाएको छ । आइतबार कोभिडका २२ हजार नयाँ संक्रमित भेटिएका थिए ।

साढे दुई करोड जनसंख्या भएको सांघाइ पछिल्लो समय कोभिड संक्रमणको चपेटामा परेको छ । देशको बृद्ध र खोप नलागाएको ठूलो जनसंख्यामा कोभिडको जोखिम रहेको स्वास्थ्य अधिकारीहरूले चेतावनी दिएका छन् । कोभिडबाट मृत्यु हुने अधिकांश बृद्धबृद्धा रहेको सरकारले दाबी गरेको छ ।

सरकारले कोभिडबाट मृत्यु हुनेमा खोप नलगाएका र दीर्ध रोगी भएको बताए पनि पछिल्लो पटक मृत्यु भएकामध्ये पाँच जनाले खोप लगाएको प्राप्त विवरणहरूमा जनाइएको छ ।

संक्रमितहरूको मृत्यु बढेसँगै चीनमा निर्मित खोपको प्रभावकारीताबारे केहीले प्रश्न उठाउन थालेका छन् । यसैबीच, राजधानी बेइजिङमा २२ नयाँ संक्रमित भेटिएका छन् ।

आजको ट्रेन्डिङ समाचार

धेरै कमेन्ट गरिएका