अमेरिकी सांसदको प्रतिनिधिमण्डलले तीनदिने नेपाल भ्रमण गर्ने • Nepal's Trusted Digital Newspaperअमेरिकी सांसदको प्रतिनिधिमण्डलले तीनदिने नेपाल भ्रमण गर्ने • Nepal's Trusted Digital Newspaper
  • होमपेज
  • अमेरिकी सांसदको प्रतिनिधिमण्डलले तीनदिने नेपाल भ्रमण गर्ने

अमेरिकी सांसदको प्रतिनिधिमण्डलले तीनदिने नेपाल भ्रमण गर्ने

  • समाचारपाटी
  • बुधबार, बैशाख ७, २०७९
अमेरिकी सांसदको प्रतिनिधिमण्डलले तीनदिने नेपाल भ्रमण गर्ने

वासिङटन डिसी । अमेरिकी संसद्को तल्लो र माथिल्लो सदनका सदस्यहरुले नेपालको तीनदिने भ्रमण गर्ने भएका छन् । सिनेटरहरु कोरी बुकर, मार्क केली, क्रिष्टन गिलव्राण्ड र मोन्ड्री जोन्स सम्मिलित प्रतिनिधिमण्डल शुक्रबार नेपाल आउन लागेको हो ।

यही शुक्रबार यहाँ आइपुग्ने सो प्रतिनिधिमण्डलका सदस्यहरु आगामी आइतबारसम्म नेपालमा रहनुहुनेछ । अमेरिकाको वासिङ्टन डिसीस्थित नेपाली राजदूतावासले उहाँहरुले आगामी अप्रिल २२ देखि २४ सम्म नेपाल भ्रमण गर्न लाग्नुभएको जानकारी दिएको छ ।

नेपाल अमेरिका कूटनीतिक सम्बन्ध स्थापनाको ७५ औँ वर्ष प्रवेशको पूर्वसन्ध्यामा कंग्रेसनल प्रतिनिधिमण्डलले नेपाल भ्रमण गर्न लागेकाले यस भ्रमणलाई महत्वपूर्ण मानिएको छ ।

सिनटेर कोरी बुकरको कार्यालयले प्रकाशन गरेको विज्ञप्तिमा यो मजबुत कंग्रेसनल डेलिगेशनले पोल्याण्ड, संयुक्त अरव इमिरेट्स, भारत, नेपाल र जर्मनीको भ्रमण गर्ने उल्लेख गरेको छ ।

यस भ्रमणका क्रममा युक्रेनमाथि रुसको आक्रमणलगायतका विषयमा छलफल हुने बताइएको छ । नेपालले संयुक्त राष्ट्रसंघको वडापत्रअनुसार युक्रेनमाथिको रुसको आक्रमणको विपक्षमा आफूलाई उभ्याएर विभिन्न मतदानमा भागसमेत लिएको छ ।

आजको ट्रेन्डिङ समाचार

धेरै कमेन्ट गरिएका