मेयर रेनु दाहालको चुनावी प्रचार गीत सार्वजनिक • Nepal's Trusted Digital Newspaperमेयर रेनु दाहालको चुनावी प्रचार गीत सार्वजनिक • Nepal's Trusted Digital Newspaper
  • होमपेज
  • मेयर रेनु दाहालको चुनावी प्रचार गीत सार्वजनिक

मेयर रेनु दाहालको चुनावी प्रचार गीत सार्वजनिक

  • समाचारपाटी
  • बुधबार, बैशाख ७, २०७९
मेयर रेनु दाहालको चुनावी प्रचार गीत सार्वजनिक

चितवन । भरतपुर महानगरपालिकाकी मेयर रेनु दाहालको चुनावी प्रचार गीत सार्वजनिक भएको छ । सत्तागठबन्धनको मंगलबार बसेको बैठकबाट भरतपुरको मेयर माओवादी केन्द्रलाई दिने सहमति भएसंगै दाहालको चुनावी प्रचार गीत सार्वजनिक भएको हो । माओवादीबाट दाहाल निर्विकल्प पुनः भरतपुरको मेयर उम्मेद्वार हुन् ।

गीतमा मेयर दाहालको अग्रसरतामा भएका विकास निर्माणको कामको चर्चा गरिएको छ । भरतपुरमा चुनाव लड्न आउँदा नयाँ भएपनि छोटो समयमा मेयर दाहालले भरतपुरमा विकास निर्माणलाई तिव्रता दिएको उल्लेख छ । विशेषगरि हिल्लामे सडकबाट बनेका चिल्ला सडक, निर्माणाधीन सिटी हल, गौतमबुद्ध अन्तर्राष्ट्रिय क्रिकेट रंगशाला, ६ लेन सडक खण्डलाई गीतमा उतारिएको छ ।

यस गीतको भिडियो नारायणी नदी, प्रचण्ड टोल, क्रिकेट रंगशालालगायत स्थानमा छायाँकन गरिएको हो । भिडियोमा स्वंम मेयर दाहाललाई देख्न सकिन्छ भने विजय पुन, उत्सव अधिकारी, सुनिता तिमिल्सिना, सपना शिवाकोटीलगायतको अभिनय छ ।

भिडियोलाई रविन्द्र बरालले छायाँकन गर्नुभएकाे हाे भने चितवनका पत्रकार रवि अधिकारीले निर्देशन गर्नुभएकाे छ । नृत्य निर्देशक रविन शाह हुनुहुन्छ भने भिडियोलाई विष्णु सेवाले सम्पादन गर्नुभएकाे छ । सन्तोष देउजाको शब्द रहेको यस गीतमा विष्णु खत्री र टिका पुनले स्वर दिनुभएकाे छ । गीतमा प्रदिप त्रिपाठीकाे संगीत रहेकाे छ ।

आजको ट्रेन्डिङ समाचार

धेरै कमेन्ट गरिएका