आजदेखि इन्धन आपूर्ति सहज, सर्वसाधारणलाई लाइन नलाग्न आयल निगमकाे आग्रह • Nepal's Trusted Digital Newspaperआजदेखि इन्धन आपूर्ति सहज, सर्वसाधारणलाई लाइन नलाग्न आयल निगमकाे आग्रह • Nepal's Trusted Digital Newspaper
  • होमपेज
  • आजदेखि इन्धन आपूर्ति सहज, सर्वसाधारणलाई लाइन नलाग्न आयल निगमकाे आग्रह

आजदेखि इन्धन आपूर्ति सहज, सर्वसाधारणलाई लाइन नलाग्न आयल निगमकाे आग्रह

  • समाचारपाटी
  • आइतवार, चैत्र २०, २०७८
आजदेखि इन्धन आपूर्ति सहज, सर्वसाधारणलाई लाइन नलाग्न आयल निगमकाे आग्रह

काठमाडौं । नेपाल आयल निगमले पम्पहरुमा अत्यावश्यक बाहेकको अवस्थामा लाइन नलाग्न सर्वसाधारणलाई आग्रह गरेको छ ।

व्यवसायी र निगम बीचको समझदारी पछि देशभरका बिक्रेताहरुले ढुवानी सुरु गरेको र ढिलोमा आइतबार दिउँसो तीन बजेसम्म वितरण सहज हुने निगमका सहायक प्रवक्ता पुष्करकुमार कार्कीले बताउनुभयाे ।

उपत्यकासहित देशैभरका डिलरहरुले बिहान ८ बजेदेखि नै इन्धन उठाउन सुरु गरेको उहाँले बताउनुभयाे। ‘इन्धन उठेको छ, पम्पहरुमा अनलोडका लागि केही समय लाग्ला, दिउँसो तीन बजेदेखि पम्पहरुबाट वितरण सहज हुन्छ,’ सहप्रवक्ता कार्कीले भन्नुभयाे ।

काठमाडौं उपत्यका, गण्डकी, लुम्बिनी, विराटनगर, अमलेखगञ्जसहितका सबै ठूला सहरका डिपोहरुबाट तेल उठिरहेको कार्कीले बताउनुभयाे । कुन ठाउँबाट कति तेल पम्पमा गयो भन्ने विवरण भने बिलिङ नसकिएका कारण उपलब्ध हुन नसकेको उहाँले बताउनुभएकाे छ ।

आजको ट्रेन्डिङ समाचार

धेरै कमेन्ट गरिएका