दुवाथलनको उपाधी नेपालका हिमाल र जापानकी हिराकुलाई • Nepal's Trusted Digital Newspaperदुवाथलनको उपाधी नेपालका हिमाल र जापानकी हिराकुलाई • Nepal's Trusted Digital Newspaper
  • होमपेज
  • दुवाथलनको उपाधी नेपालका हिमाल र जापानकी हिराकुलाई

दुवाथलनको उपाधी नेपालका हिमाल र जापानकी हिराकुलाई

  • समाचारपाटी
  • आइतवार, चैत्र २०, २०७८
दुवाथलनको उपाधी नेपालका हिमाल र जापानकी हिराकुलाई

नेपालका हिमाल टमाटा र जापानकी हिराकु फुकुओका पोखरामा जारी एशिया ट्राईयाथलन कप तथा दक्षिण एशियन च्याम्पियनसिप अन्तरगत भएको दुवाथलनको उपाधी जित्न सफल हुनुभएकाे छ ।

duwathalan2

टिभिएस अपाचेको प्रायोजन रहेको च्याम्पियनसिपको ५ किलोमिटर रनिङ्ग, २० किलोमिटर साईक्लिङ्ग र २।५ किलोमिटर रनिङ्गको दुरी हिमालले ४५ मिनट ५४।२९ सेकेन्डमा पुरा गर्दै स्वर्ण हात पार्नुभएकाे हाे । यस्तै हिराकुले सो दुरी १ घन्टा १ मिनट १०।६५ सेकेन्डमा पुरा गर्दै स्वर्ण कब्जा गर्नुभएकाे हाे ।

नेपाल ट्राईयाथलन संघको आयोजनामा च्याम्पियनसिपको पुरुष तर्फ मानबहादुर थापा मगर दोश्रो र बशन्त थारु तेश्रो हुनुभयाे । मानबहादुरले ५५ मिनट १।०७ सेकेन्डमा र थारुले ५८ मिनट २५।३१ सेकेन्डमा दुरी पार गर्नुभएकाे हाे । यस्तै महिला तर्फ भारतकी स्नेहाल जोशीले १ घण्टा ६ मिनट ५६।८४ सेकेन्ड र नेपालकी इन्द्रकला नेवाङ्गले १ घन्टा ७ मिनट ३३।९४ सेकेन्डमा दुरी पार गर्दै रजत र कास्य पाउनुभयाे ।

बिजयी खेलाडीहरुलाई गण्डकी प्रदेश साँसद एवं नेपाल ट्राईयाथलन संघका उपाध्यक्ष दीपक कोईराला, गण्डकी प्रदेश खेलकुद परिषद्का सदस्य सचिव एवं नेपाल ओलम्पिक कमिटिका उपाध्यक्ष तेज गुरुङ्ग, संघका अध्यक्ष एवं नेपाल ओलम्पिक कमिटिका महासचिव निलेन्द्र राज श्रेष्ठ, खेलकुद पत्रकार केशव पाठक लगायतले पुरस्कार वितरण गर्नुभएकाे थियाे ।

आजको ट्रेन्डिङ समाचार

धेरै कमेन्ट गरिएका