माधव नेपालसहित १४ जना सांसद विरुद्धको मुद्दामा सर्वोच्च अदालतले आज सुनुवाइ गर्ने • Nepal's Trusted Digital Newspaperमाधव नेपालसहित १४ जना सांसद विरुद्धको मुद्दामा सर्वोच्च अदालतले आज सुनुवाइ गर्ने • Nepal's Trusted Digital Newspaper

हालको खबर

  • होमपेज
  • माधव नेपालसहित १४ जना सांसद विरुद्धको मुद्दामा सर्वोच्च अदालतले आज सुनुवाइ गर्ने

माधव नेपालसहित १४ जना सांसद विरुद्धको मुद्दामा सर्वोच्च अदालतले आज सुनुवाइ गर्ने

  • समाचारपाटी
  • आइतवार, चैत्र २०, २०७८
माधव नेपालसहित १४ जना सांसद विरुद्धको मुद्दामा सर्वोच्च अदालतले आज सुनुवाइ गर्ने

काठमाडौं । एकीकृत समाजवादीका अध्यक्ष माधव कुमार नेपालसहित १४ जना सांसद विरुद्ध एमाले अध्यक्ष केपी शर्मा ओलीले दर्ता गरेको रिट निवेदनमाथि सर्वोच्च अदालतले आज (आइतबार)देखि सुनुवाइ गर्दैछ ।

एमालेबाट अलग हुनु अघि नै नेपालसहितका १४ जना सांसदहरुलाई दलबाट कारवाही गरेको तर सभामुख अग्निप्रसाद सापकोटाले कारवाहीको सूचना जारी नगरेको भनी  अध्यक्ष ओलीले सर्वोच्च अदालतमा रिट दर्ता गर्नुभएकाे थियाे । एमालेले यही एजेण्डालाई अघि सारेर प्रतिनिधिसभाको बैठक पनि अवरुद्ध गरेको थियो ।

एमालेले नेकपा (एकीकृत समाजवादी) दल दर्ताको प्रक्रियामाथि नै प्रश्न उठाएर निर्वाचन आयोगविरुद्ध समेत मुद्दा हालेको छ । साथै उसले झलनाथ खनाल बाहेकका १४ सांसदलाई कारवाहीको पत्र पठाएकोमा त्यसबारे सभामुखबाट कुनै निर्णय नगरी निर्वाचन आयोगले जबर्जस्ती अर्को दल दर्ता गरेको आरोप पनि लगाएको छ ।

यी दुई विवाद जोडिएका मुद्दामा यसअघि नै सर्वोच्च अदालतबाट प्रधानन्यायाधीश चोलेन्द्रशम्सेर जबरा र न्यायाधीश डा. कुमार चुडालको छुट्टाछुट्टै इजलासले अन्तरिम आदेश दिएको थिएन ।

आजको ट्रेन्डिङ समाचार

धेरै कमेन्ट गरिएका