प्रेस सेन्टर बागलुङको अभियान एक पालिका, एक पत्रकार • Nepal's Trusted Digital Newspaperप्रेस सेन्टर बागलुङको अभियान एक पालिका, एक पत्रकार • Nepal's Trusted Digital Newspaper

हालको खबर

  • होमपेज
  • प्रेस सेन्टर बागलुङको अभियान एक पालिका, एक पत्रकार

प्रेस सेन्टर बागलुङको अभियान एक पालिका, एक पत्रकार

  • समाचारपाटी
  • शनिबार, चैत्र १९, २०७८
प्रेस सेन्टर बागलुङको अभियान एक पालिका, एक पत्रकार

बाग्लुङ । प्रेस सेन्टर नेपाल बाग्लुङले आसन्न स्थानिय तहको निर्वाचनलाई लक्षित गरि ‘एक पालिका, एक पत्रकार’ खटाउने निर्णय गरेको छ ।

आगामी वैशाख ३० गते हुने स्थानिय निर्वाचनलाई मर्यादित, व्यवस्थित र प्रभावकारी रुपमा सञ्चार माध्यमको तर्फबाट भुमिका निर्वाह गर्दै सामाग्री प्रकाशन, प्रसारण गर्ने उद्देश्यले जिल्लाका दश वटा पालिकामा सञ्चार संयोजक चयन गरिएको प्रेस सेन्टर नेपाल बाग्लुङका अध्यक्ष थम्मन थापाले जानकारी दिनुभयो ।

जस अन्तर्गत बाग्लुङ नगरपालिकामा अनिश खाती, काठेखोला गाउँपालिकामा कोपीला कँडेल, जैमिनी नगरपालिकामा सज्जन कुमार सिंह, बरेङ गाउँपालिकामा राम थापा अविरल, गलकोट नगरपालिकामा जीवनकला खत्री (सरिता), ताराखोला गाउँपालिकामा जगिन्द्र विश्वकर्मा, बडिगाड गाउँपालिकामा बिमल खडका, ढोरपाटन नगरपालिकामा सुमन सुनार, तमानखोला गाउँपालिकामा योगेन्द्र विश्वकर्मा र निसीखोला गाउँपालिकामा कुम्बिर विश्वकर्मालाई जिम्मेवारी प्रदान गरिएको सेन्टरका अध्यक्ष थापाले बताउनुभयो ।

बैठकले जिल्लामा सूचना डेक्स स्थापना गरी समग्र जिल्लाको सूचना व्यवस्थापनकोे लागि प्रेस सेन्टरका केन्द्रिय सदस्य मुकेशचन्द्र राजभण्डारीलाई जिम्मेवारी दिने निर्णय गरेको सेन्टरले जनाएको छ । डेक्समा सेन्टरका प्रदेश समिती पदाधिकारी र जिल्ला समिती पदाधिकारी रहने व्यवस्था मिलाईएको छ ।

सत्य, तथ्य सुचना र समाचार मार्फत आम नागरिकलाई सुसुचित गर्दै विचार, संगठन र व्यवहारमा प्रेस सेन्टर नेपाललाई अब्बल संगठनको रुपमा विकास गर्न सोहि अनुरुप कार्य सम्पादन गरिने प्रेस सेन्टर नेपाल बागलुङका उपाध्यक्ष सज्जन कुमार सिंहले जानकारी दिनुभयो ।

आजको ट्रेन्डिङ समाचार

सम्बन्धित खवर

धेरै कमेन्ट गरिएका