स्थानिय निर्वाचनमा गण्डकी प्रदेशमा सत्तारुढ दलहरु बीच तालमेल गर्ने निर्णय • Nepal's Trusted Digital Newspaperस्थानिय निर्वाचनमा गण्डकी प्रदेशमा सत्तारुढ दलहरु बीच तालमेल गर्ने निर्णय • Nepal's Trusted Digital Newspaper

हालको खबर

  • होमपेज
  • स्थानिय निर्वाचनमा गण्डकी प्रदेशमा सत्तारुढ दलहरु बीच तालमेल गर्ने निर्णय

स्थानिय निर्वाचनमा गण्डकी प्रदेशमा सत्तारुढ दलहरु बीच तालमेल गर्ने निर्णय

  • समाचारपाटी
  • शनिबार, चैत्र १९, २०७८
स्थानिय निर्वाचनमा गण्डकी प्रदेशमा सत्तारुढ दलहरु बीच तालमेल गर्ने निर्णय

पोखरा । आगामी स्थानिय तहको निर्वाचनमा सत्तारुढ दलहरु बीच तालमेल गर्ने सहमती भएसंगै गण्डकी प्रदेशमा पनि यसको तयारी गरिएको छ । शुक्रबार नेपाली कांग्रेस गण्डकीको कार्यालयम भएको ५ दलका प्रदेश तथा जिल्ला तहका नेताहरुको बैठकले आसन्न स्थानिय तह निर्वाचनमा मिलेर जाने निर्णय गरेको नेपाली कांग्रेस गण्डकी प्रदेशका सभापती शुक्रराज शर्माले जानकारी दिनुभयाे ।

received 348598750646696

नेपाली कांग्रेस गण्डकी प्रदेशका सभापती शुक्रराज शर्माको अध्यक्षतामा सम्पन्न भएको प्रदेश र जिल्लास्तरका नेताहरुको बैठकले यस्तो निर्णय गरेको हो । बैठकले स्थानिय निर्वाचनका लागि प्रदेशस्तरमा तालमेल गर्दै ५ दलको संयुक्त घोषणापत्र जारी गर्दै गठबन्धनका दलहरु बीच सोहार्दपूर्ण वातावरण तयार गरि कार्ययोजना र कार्यदिशा दिने निर्णय गरेको छ ।

यस्तै गठबन्धनका गण्डकी प्रदेश भित्र दलहरुले आगामी आ–आफ्नो संगठनको वर्तमान सांगठनिक अवस्थाको यथार्थ विवरण मातहतका संगठनबाट संकलन गरि विस्तृत विवरण आगामी बैठकमा पेश गर्ने निर्णय भएको कांग्रेस गण्डकी प्रदेशका प्रचार विभाग प्रमुख रमेश पौडेलले जानकारी दिनुभयाे ।

गठबन्धनको आगामी बैठक आगामी चैत २२ गते पुन अर्को बैठक बस्ने जनाइएको छ । बैठकमा नेपाली कांग्रेसबाट गण्डकी प्रदेश सभापति
शुक्रराज शर्मा, नेकपा माओवादी केन्द्र गण्डकी प्रदेशका अध्यक्ष गायत्री गुरुङ (कुशुम), नेकपा एकिकृत समाजवादीका उपाध्यक्ष केशवलाल श्रेष्ठ, जनता समाजवादी (जसपा) गण्डकी प्रदेश अध्यक्ष मोती प्रसाद रिजाल, राष्ट्रिय जनमोर्चा गण्डकी प्रदेश अध्यक्ष शंकर बराल लगायतका गण्डकी प्रदेश स्तरका शिर्ष नेताहरुको उपस्थिती रहेको थियो ।

आजको ट्रेन्डिङ समाचार

धेरै कमेन्ट गरिएका