‘पार्टीभित्र बसेर पार्टीलाई नै कमजोर बनाउनेहरु पार्टीबाट बाहिरिदा राम्रो’: प्रकाशमान सिंह
‘पार्टीभित्र बसेर पार्टीलाई नै कमजोर बनाउनेहरु पार्टीबाट बाहिरिदा राम्रो’: प्रकाशमान सिंह
समाचारपाटी
शुक्रबार, चैत्र १८, २०७८
काठमाडौं । नेपाली कांग्रेसका नेता प्रकाशमान सिंहले कांग्रेसभित्र बसेर कांग्रेसलाई नै कमजोर बनाउनेहरु पार्टीमा बस्नुभन्दा बाहिरिदा राम्रो हुने बताउनुभएकाे छ ।
आज नयाँबानेश्वरमा आयोजित एक कार्यक्रममा उहाँले पार्टीको निर्णय सबैले मान्नुपर्ने भन्दै निर्णय नमान्नेहरुलाई पार्टी छाड्न भन्नुभएकाे छ । चुनावमा गठबन्धन गर्ने निर्णयप्रति असन्तुष्ट नेता–कार्यकर्ताहरुलाई लक्षित गर्दै उहाँले सो धारणा राख्नुभएकाे हाे ।
कांग्रेस केन्द्रीय समिति बैठकले आगामी चुनावमा गठबन्धन गर्ने निर्णय गरे पनि शेखर कोइराला पक्षका केही नेताहरुले गठबन्धन गर्न नहुने बताउँदै आउनुभएकाे छ ।
कार्यक्रममा नेता सिंहले यसपटक चुनावमा कांग्रेसका नेता–कार्यकर्ताको गतिविधिको एक–एक हिसाब हुने समेत बताउनुभएकाे छ । विगतका निर्वाचनमा पनि अन्तरघात हुने गरेको थियो । अन्तरघात गर्नेहरुलाई कांग्रेसले कारबाहीसमेत गरेको थियो ।
