नेपाल एशोसियशन अफ टुर एण्ड ट्राभल्स एजेन्टस् काे अध्यक्षमा रमेश थापा विजयी • Nepal's Trusted Digital Newspaperनेपाल एशोसियशन अफ टुर एण्ड ट्राभल्स एजेन्टस् काे अध्यक्षमा रमेश थापा विजयी • Nepal's Trusted Digital Newspaper
  • होमपेज
  • नेपाल एशोसियशन अफ टुर एण्ड ट्राभल्स एजेन्टस् काे अध्यक्षमा रमेश थापा विजयी

नेपाल एशोसियशन अफ टुर एण्ड ट्राभल्स एजेन्टस् काे अध्यक्षमा रमेश थापा विजयी

  • समाचारपाटी
  • शुक्रबार, चैत्र १८, २०७८
नेपाल एशोसियशन अफ टुर एण्ड ट्राभल्स एजेन्टस् काे अध्यक्षमा रमेश थापा विजयी

काठमाडाैं । पर्यटन व्यवसायीको छाता सङ्गठन नेपाल एशोसियशन अफ टुर एण्ड ट्राभल्स एजेन्टस् (नाट्टा)को अध्यक्षमा रमेश थापा विजयी हुनुभएकाे छ ।

नाट्टाको बिहीबार सम्पन्न ५५ औं वार्षिक साधारणसभा एवं २३ औं निर्वाचनमा कांग्रेस निकट रमेश थापा र वामपन्थी निकट विनय बस्नेत प्यानलसहित प्रतिस्पर्धामा उत्रिनुभएकाे छ ।

आज बिहान सम्पन्न मत परिणामअनुसार अध्यक्षका अर्का प्रत्यासी एवम् कोशी टुर एण्ड ट्राभल्सका सञ्चालक बस्नेतलाई पराजित गर्दै थापा विजयी हुनुभएकाे हाे । विजयी थापा मनसुन ट्राभल्स एण्ड टुर्सका सञ्चालकसमेत हुनुहुन्छ ।

यस्तै थापा प्यानलबाटै वरिष्ठ उपाध्यक्षमा कोलोम्बस ट्राभल्स एण्ड टुर्सका सञ्चालक प्रमोद ढकाल, उपाध्यक्षमा वर्ल्डवेज टुर्स एण्ड ट्राभल्सका सञ्चालक वरुण मेहता, महासचिवमा प्रिसियस ट्राभल्स एण्ड टुर्सका सञ्चालक कुमारमणि थपलिया विजयी हुनुभएकाे छ । सचिवमा शाहस होलिडे इन्टरनेशनलका सञ्चालक युविका भण्डारी, कोषाध्यक्षमा वर्ल्ड फेभर ट्राभल्स एण्ड टुर्सका सञ्चालक राजकुमार देवकोटा विजयी हुनुभएकाे छ ।

सहकोषाध्यक्षमा भने रियान ट्राभल्स एण्ड टुर्सका सञ्चालक गीता ढकाल (रेजु) निर्वाचित हुनुभएकाे छ । ढकाल बस्नेतको प्यानलमा हुनुहुन्थ्याे । यस्तै कार्यसमिति सदस्यमा हिमालयन क्लब टुर्स एण्ड ट्राभल्सका सञ्चालक विष्णु पाण्डे, होलिडे एडभेञ्चर टुर्सका सञ्चालक ढकनाथ काफ्ले, अक्सफोर्ड ट्राभल्स एण्ड टुर्सका सञ्चालक नमराज भेटवाल, प्रिजेन्ट ट्राभल्सका सञ्चालक पर्शुराम घिमिरे, अस्विता इन्टरनेशनल ट्राभल्स एण्ड टुर्सका सञ्चालक रामशोभित नायक, इन्द्रा ट्राभल्स एण्ड टुर्सका सञ्चालक सवला भण्डारी, डालिमा टुर्स एण्ड ट्राभल्सका सञ्चालक डेन्डी शेर्पा र एएनटी होलिडेका सञ्चालक श्रद्धा जोशी विजयी हुनुभएकाे छ ।

निर्वाचनका लागि थापा र बस्नेत समूहबीच प्रतिस्पर्धा भएको थियो । देशभर दुई हजारभन्दा बढी टुर्स एण्ड ट्राभल्स भए पनि निर्वाचनका लागि ४४९ टुर्स एण्ड ट्राभल्सको सहभागिता थियो ।

आजको ट्रेन्डिङ समाचार

धेरै कमेन्ट गरिएका