भृकुटी मण्डपमा भएकाे राष्ट्रिय दोहोरीगीत प्रतियोगितामा ६१ टोलीबीच प्रतिस्पर्धा • Nepal's Trusted Digital Newspaperभृकुटी मण्डपमा भएकाे राष्ट्रिय दोहोरीगीत प्रतियोगितामा ६१ टोलीबीच प्रतिस्पर्धा • Nepal's Trusted Digital Newspaper
  • होमपेज
  • भृकुटी मण्डपमा भएकाे राष्ट्रिय दोहोरीगीत प्रतियोगितामा ६१ टोलीबीच प्रतिस्पर्धा

भृकुटी मण्डपमा भएकाे राष्ट्रिय दोहोरीगीत प्रतियोगितामा ६१ टोलीबीच प्रतिस्पर्धा

  • समाचारपाटी
  • बिहिबार, चैत्र १७, २०७८
भृकुटी मण्डपमा भएकाे राष्ट्रिय दोहोरीगीत प्रतियोगितामा ६१ टोलीबीच प्रतिस्पर्धा

काठमाडौं । ‘छैटौं टुवोर्ग राष्ट्रिय रनिङ शिल्ड खुला दोहोरीगीत प्रतियोगिता–२०७८’ बुधबारबाट काठमाडौं भृकुटीमण्डप बँगौचामा सुरु भएको छ । अर्थ मन्त्री मधुकर मरासिनी, बरिष्ट लोक गायक कुमार बस्नेतले यो प्रतियोगिताको बुधबार उद्घाटन गर्नुभएकाे छ ।

कार्यक्रममा बोल्दै अर्थ सचिब मरासिनीले एक समय गाउँमा गाईने लोक दोहोर गीत अहिले शहरमा पनि त्यत्तिकै प्रचलित भएको बताउनुभयाे । नेपालको मौलिक लोक सँगीतको रुपमा लोक दोहोरी गीत रहेको चर्चा गर्दै यो प्रतियोगिताले लोक दोहोरीका विकाशमा अझ टेवा पुर्याउने विश्वास उहाँले व्यक्त गर्नुभयाे । आफुले मन्त्रालयका तर्फबाट लोक दोहोरी गीतको प्रवर्धनका लागि सहयोग गर्ने पनि उहाँले बताउनुभयाे । अहिले लोक दोहोरी गीत लोकमा लोकप्रिय भएको जिकिर उहाँले गर्नुभयाे ।

अर्का अतिथि तथा बरिष्ट लोक गायक कुमार बस्नेतले आफुहरुको पालामा लोक गीत गाउनेलाई गाउँलेको रुपमा हेर्ने गरेको स्मरण सुनाउनभयाे । आफ्ना केही गीतको चर्चा गर्दै अहिले निकै राम्रा लोक दोहोरी गीतहरु आएको छ भने । कोरोनापछि लोक दोहोरी गीत प्रतियोगितामा दर्शकको उपस्थित देखेर खुसी व्यक्त गर्दै लोक दोहोरी प्रतिष्ठानले निकै राम्रो काम गरेको उहाँले चर्चा गर्नुभयाे ।

यस्तै लोक दोहोरी प्रतिष्ठानको पूर्व अध्यक्ष तथा लोक दोहोरी गायक पुरुषोत्तम न्यौपानले अहिलेका कतीपय चर्चित लोक दोहोरी गायक गायिकाहरु बिगतमा यस्तै प्रतियोगिताबाट यो क्षेत्रमा आएको स्मरण सुनाउनुभयाे । संगीत क्षेत्रमा सरकार उदासिन भएको टिप्पणी गर्दै उहाँले भन्नुभयाे,‘ हाम्रा श्रष्टाको निधन हुँदा कमलादीको प्रज्ञा प्रतिष्ठानमा श्रष्टाको शब राखेर श्रद्धाञ्जलन प्रकट गर्न पनि रोक लगाईयो । हामीले टोखामा प्रतिष्ठानको कार्यालय जेनतेन बनाएको भए पनि अब दिवँगत श्रष्टालाई श्रद्धाञ्जली दिनको लागि समेत केही जग्गा जोहो गर्न आर्थिक जोगाड गर्नु पर्नेभएको छ ।’

हास्य अभिनेता जितु नेपालले आफु हास्यव्यँग्य अभिनेता भए पनि मोडल बनेर कैयौं लोक दोहोरी गीतमा मोडलिङ गरेको स्मरण सुनाउनुभयाे । राष्ट्रिय लोक तथा दोहोरी गीत प्रतिष्ठानको आजिवन सदस्य बन्ने घोषणा गर्दै आफु पनि अभिनयको हिसावले लोक दोहोरीको कलाकार
भएको बताउनुभयाे । प्रधानमन्त्री शेर बहादुर देउवा लगायत विभिन्न कलाकारको क्यारिकेचर गर्दै उहाँले यस्तो प्रतियोगिताले लोक दोहोरीमा एक प्रकारको उत्साह जागेको छ भन्नुभयाे ।

बुधबारबाट ४ दिनसम्म जारी रहने यो प्रतियोगितामा राजधानी र मोफसबाट ६१ वटा टोलीले भाग लिएको राष्ट्रिय लोक तथा दोहोरी गीत प्रतिष्ठानका अध्यक्ष रमेश बिजीले बताउनुभयाे । दर्शकका लागि प्रवेश निशुल्क गरिएको यो प्रतियोगितामा उत्कृष्ट हुने टोलीले लोक दोहोरी तर्फको राष्ट्रिय रिनङ शिल्डसँगै पदक, २ लाख ५० हजार रुपैयाँ, प्रमाणपत्र प्राप्त गर्ने पनि उहाँले जनाउनुभयाे । यस्तै द्धितीय हुने टोलीले ट्रफी, पदक र रु १ लाख ५० हजार रुपैयाँ प्राप्त गर्ने छन् । प्रतियोगितामा तेश्रो हुने टोलीले नगद १ लाख रुपैयाँ सहित ट्रफी, पदक र प्रमाणपत्र र सान्त्वना हुने टोलीले ५० हजार रुपैयाँ सहित ट्रफी, पदक, प्रमात्रणपत्र प्राप्त गर्ने पनि अध्यक्ष बिजीले कार्यक्रममा जानकारी गराउनुभयाे ।

उहाँका अनुसार यो प्रतियोगितामा उत्कृष्ट हुने दुई जना गायक र दुई जना गायिकालाई जनही १० हजार रुपैयाँ सहित उत्कृष्ट गायक
गायिकाको पुरस्कार प्रदान गरिने छ भने उत्कृष्ट भेषभुषा र उत्कृष्ट अनुशासन टोलीले पनि १० हजार रुपैयाँ र प्रमाणपत्र प्राप्त गर्नेछन् । सो कार्यक्रममा दोहोरीसँगै खानाहरु विभिन्न स्टल पनि राखिएकाले दर्शकले खानाको स्वादसँगै दोहोरी सुन्न सक्ने अध्यक्ष बिजीले बताउनुभयाे । यस पटकको दोहोरी गीत प्रतियोगिता भव्य र सभ्य हुने पनि उहाँले बताउनुभयाे ।

बुधबारको उद्घाटन समारोहमा गायक प्रकाश सपुतले पीर गीत गाउँदा दर्शकले तालीले साथ दिएका थिए । यस्तै कुलेन्द्र बिक, रामजी खाँडलगायतका विभिन्न कलाकारले प्रस्तुत गरेका गीतहरुले पनि दर्शक नचाएकाे थियाे । कार्यक्रममा विभिन्न कलाकारहरुले आकर्षक लोक नृत्य प्रस्तुत गरेका थिए ।

बुधबार उद्घाटन भएको यो प्रतियोगितामा बिहिबार बिहान नौ बजेबाटै दोहोरी गायन टोली बीच गायन प्रतिस्पर्धा हुने भएको छ । बिहान ९ बजे देखि बेलुका ७ बजेसम्म जारी रहने यो प्रतियोगिताको समापन शनिबार बेलुका हुनेछ ।

rastriya lok dohori pratiyogeeta udhghatan 1 rastriya lok dohori pratiyogeeta udhghatan 2 rastriya lok dohori pratiyogeeta udhghatan 4 rastriya lok dohori pratiyogeeta udhghatan 5 rastriya lok dohori pratiyogeeta udhghatan 6 1 rastriya lok dohori pratiyogeeta udhghatan 7

आजको ट्रेन्डिङ समाचार

धेरै कमेन्ट गरिएका