यसवर्षको ओस्कार अवार्डमा ‘कोडा’ सर्वोत्कृष्ट फिल्म घोषित • Nepal's Trusted Digital Newspaperयसवर्षको ओस्कार अवार्डमा ‘कोडा’ सर्वोत्कृष्ट फिल्म घोषित • Nepal's Trusted Digital Newspaper
  • होमपेज
  • यसवर्षको ओस्कार अवार्डमा ‘कोडा’ सर्वोत्कृष्ट फिल्म घोषित

यसवर्षको ओस्कार अवार्डमा ‘कोडा’ सर्वोत्कृष्ट फिल्म घोषित

  • समाचारपाटी
  • सोमवार, चैत्र १४, २०७८
यसवर्षको ओस्कार अवार्डमा ‘कोडा’ सर्वोत्कृष्ट फिल्म घोषित

काठमाडौं । ‘कोडा’ यसवर्षको ओस्कार अवार्डमा सर्वोत्कृष्ट फिल्म घोषित भएको छ । स्ट्रि मिङ प्लेटर्फम एप्पल फिल्मसले निर्माण गरेको फिल्मले ओस्कार ९४ औं संस्करणमा बाजी मार्‍यो ।

नेपाली समयानुसार अमेरिकाको लस-एन्जल्समा आज बिहान आयोजित समारोहमा २३ विधामा अवार्ड वितरण गरिएको छ । कोरोना महामारीपछि रेडकार्पेटसहित भौतिकरुपमै ओस्कारलाई भव्यरुपमा आयोजना गरिएको हो । हलिउड स्टारहरुले रेडकार्पेट खचाखच रह्यो ।

‘ड्युन’ले सर्वाधिक ६ विधामा ट्रफी उचाल्यो । सर्वाधिक १२ विधामा मनोनयन भएको ‘द पावर अफ दी डग’ले निर्देशन विधामासमेत जित्न सक्यो । निर्देशक क्याम्पेन ओस्कार जित्ने तेस्रो महिला समेत बन्नुभयाे ।

बियोन्से, बाइल्ली एलिस, फिनीस, रेबा म्याकइन्टाएरजस्ता विश्वचर्चित गायिकाले ओस्कारको मञ्चबाट सांगीतिक प्रस्तुति दिए । यसवर्ष नेटफि्ल्क्स फिल्म ‘द पावर अफ दी डग’ सर्वाधिक १२ विधामा मनोनयन भएको थियो ।

ओस्कार इतिहासमै पहिलोपटक पपुलर भोटिङको आधारमा ‘फ्यान फेवरेट’ विधा यसपटक समावेश गरियो । निकै विवादित मानिएको यो विधामा ज्याक स्नाइडरको ‘आर्मी अफ दी डेड’ सर्वोत्कृष्ट बन्यो । ट्वीटरमार्फत दर्शकले यो विधामा मतदान गरेका थिए ।

अन्तर्राष्ट्रिय फिचर विधामा ‘ड्राइभ माइ कार’ उत्कृष्ट भएसँगै जापानले १४ वर्षपछि ओस्कार जित्यो । ‘वेस्ट साइड स्टोरी’बाट सह-अभिनेत्रीमा उत्कृष्ट बनेसँगै एरियाना डिवोस ओस्कार जित्ने पहिलो समलिंगी महिला बन्नुभयाे।

रुसी आक्रमणको विरोधमा युक्रेनलाई समर्थन गर्न समारोहमा एक मिनेट मौनधारण समेत गरियो । हलिउडले यसअघि नै रुसी फिल्म र त्यहाँ हुने प्रदर्शनलाई बहिष्कार गरेको अवस्था छ । सह-अभिनेता विधामा जितेका ‘कोडा’ अभिनेता ट्रोइ कोत्सर ओस्कार इतिहासमै दोस्रो बहिरा अभिनेता बन्नुभयाे ।

Will Smith

आफ्नी पत्नीको खौरिएको कपालबारे ब्यंग्य गरेको भन्दै अभिनेता विल स्मिथले होस्ट रहेका क्रिस रकलाई स्टेजमै चढेर झापड समेत हान्नुभएकाे थियाे । एबीसी टिभीले यो घटनालाई लाइभ समेत गरिरहेको थियो । स्मिथले उत्कृष्ट अभिनेताको रुपमा पहिलो ओस्कार पनि जित्नुभयाे ।

koda ariana debose oscar winner best supporting actress 1648429910

हेर्नूस पूर्ण सूची :

फिल्म : कोडा

निर्देशक : जेनी क्याम्पियन (द पावर अफ द डग)

अभिनेत्री : जेसिका चेस्टेइन (द आइज अफ ट्यामी फेइ)

अभिनेता : विल स्मिथ (किङ रिचर्ड)

सहअभिनेत्री : एरियाना डिबोस (द वेस्ट साइड स्टोरी)

सहअभिनेता : ट्रोइ कोत्सर (कोडा)

कस्ट्युम डिजाइन : क्रुएला (जेन्नी विभान)

ध्वनि : ड्युन

ओरजिनल स्कोर : ड्युन (हान्स जिमर)

एडप्टेड स्क्रिननप्ले : सायन हेडेर (कोडा)

ओरजिनल स्क्रिननप्ले : केनेथ ब्रानग (बेलफास्ट)

एनिमेटेड सर्ट : द वाइन्डसिड वाइपर

लाइभ एक्सन सर्ट : द लङ गुडबाइ

सम्पादन : ड्युन (जोए वाकर)

मेकअप एन्ड हेयरस्टाइलिङ : द आइज अफ ट्याम्मी फे

एनिमेटेड फिचर : एनकान्टो

डकुमेन्ट्री फिचर : समर अफ सउल

डकुमेन्ट्री सर्ट : द क्वीन अफ बास्केटबल

ओरजिनल सङ : नो टाइम टु डाइ (बिल्ली एलिस र फिनेस ओ कनेल)

छायांकन : ड्युन (ग्रेड फेइजर)

अन्तर्राष्ट्रिय फिचर : ड्राइभ माइ कार (जापान)

प्रोडक्सन डिजाइन : ड्युन

भिजुअल इफेक्ट :मनो ड्युन

आजको ट्रेन्डिङ समाचार

धेरै कमेन्ट गरिएका