चीनमा सोमबार दुर्घटना भएकाे विमानमा सवार सबैकाे मृत्यु भएको पुष्टि • Nepal's Trusted Digital Newspaperचीनमा सोमबार दुर्घटना भएकाे विमानमा सवार सबैकाे मृत्यु भएको पुष्टि • Nepal's Trusted Digital Newspaper
  • होमपेज
  • चीनमा सोमबार दुर्घटना भएकाे विमानमा सवार सबैकाे मृत्यु भएको पुष्टि

चीनमा सोमबार दुर्घटना भएकाे विमानमा सवार सबैकाे मृत्यु भएको पुष्टि

  • समाचारपाटी
  • आइतवार, चैत्र १३, २०७८
चीनमा सोमबार दुर्घटना भएकाे विमानमा सवार सबैकाे मृत्यु भएको पुष्टि
photosource:-hariyalinepal

बेइजिङ । दक्षिण चीनको ग्वाङ्सी झुआङ स्वायत्त क्षेत्रमा सोमबार दुर्घटनाग्रस्त भएको चाइना इस्टर्न एयरलाइन्सको विमानमा सवार सबै १३२ जनाको मृत्यु भएको शनिबार पुष्टि गरिएको छ ।

दक्षिण चीनको गुआङ्सी झुआङ स्वायत्त क्षेत्रमा सोमबार दिउँसो १३२ यात्रु बोकेको यात्रुवाहक विमान दुर्घटनाग्रस्त भएपछि उद्धारकार्य जारी राखेको थियो। उद्धारकार्यमा दुई हजारभन्दा बढी मानिसलाई घटनास्थलमा पठाइएको थियो।

दुर्घटनास्थल पहाडी जङ्गलमा रहेको हुनाले ब्ल्याक बक्सको खोजीकार्य ड्रोन र उद्धारकर्मी दुवैमा निर्भर रहेको जनाइएको छ ।

कुनमिङबाट गोआन्झाउका लागि उडेको चाइना इस्टर्न एयरलाइन्सको बोइङ ७३७ विमान सोमबार दिउँसो २:३८ बजे वुझाउ सहरको टेङ्क्सियान काउन्टीको मोलाङ गाउँनजिकैको पहाडी क्षेत्रमा दुर्घटनाग्रस्त भएको थियो ।

आजको ट्रेन्डिङ समाचार

धेरै कमेन्ट गरिएका