दिपेश र रशिलालाई भक्तपुर खुला ब्याडमिन्टन उपाधी • Nepal's Trusted Digital Newspaperदिपेश र रशिलालाई भक्तपुर खुला ब्याडमिन्टन उपाधी • Nepal's Trusted Digital Newspaper
  • होमपेज
  • दिपेश र रशिलालाई भक्तपुर खुला ब्याडमिन्टन उपाधी

दिपेश र रशिलालाई भक्तपुर खुला ब्याडमिन्टन उपाधी

  • समाचारपाटी
  • आइतवार, चैत्र १३, २०७८
दिपेश र रशिलालाई भक्तपुर खुला ब्याडमिन्टन उपाधी

काठमान्डाैँ । राष्ट्रिय च्याम्पियन एपिएफका दिपेश धामी र सेनाकी रशिला महर्जनले प्रथम राष्ट्रब्यापी भक्तपुर खुला ब्याडमिन्टन च्याम्पियनसिपको उपाधी उचाल्नुभएकाे छ ।

पुरुष एकल तर्फ राष्ट्रिय च्याम्पियन धामीले रिभाईभ लिजर पार्कका बिश्व जुनियर नम्बर एक खेलाडी प्रिन्स दाहाललाई २१–१५, १२–२१, २१–१२ को अन्तरमा पराजित गर्दै उपाधी उचाल्नुभएकाे हाे । तृतीय स्थानमा पुलिसका जीवन आचार्य र बिष्णु कटुवाल रहनुभयाे । सेमिफाईनलमा जीवन दिपेश संग र बिष्णु प्रिन्स संग पराजित हुनुभएकाे थियाे ।

भक्तपुर जिल्ला ब्याडमिन्टन संघको आयोजनामा भएको च्याम्पियनसिपको महिला एकल तर्फ राष्ट्रिया च्याम्पियन सेनाकी रशिला महर्जनले उपाधी हात पार्नुभयाे । बिश्व जुनियर युगल तर्फ उच्च ७ मा रहनुभएकी उहाँले सेनाकै अनुमाया राईलाई २१–९, २१–१९ ले पराजित गर्दै उपाधी हात पार्नुभएकाे हाे । तृतीय स्थानमा सेनाकी अमिता गिरी र पुलिसकी निता लम्साल रहनुभयाे । गिरी सेनाकै रशिला संग र निता अनुमाया संग पराजित हुनुभएकाे थियाे ।

नेपाल ब्याडमिन्टन संघको तत्वावधानमा भएको च्याम्पियनसिपको पुरुष युगल तर्फ सेनाका प्रफुल महर्जन र रुकेश महर्जनको जोडीले बाजी मार्याे । उक्त जोडीले कास्कीका भुगोल गुरुङ्ग र बिधान अधिकारीको जोडीलाई २१–१७, २१–१३ ले पराजित गर्दै उपाधी जित्नुभएकाे हाे । तेश्रो स्थानमा एपिएफका दिपेश धामी र बिजित थापा मगर एवं १६ फिदरका क्षितिज खनाल र सुजन थापाको जोडी रहयाे ।

लिवालिस्थित कभर्डहलमा यु १५ छात्रा एकल तर्फ बेलटार ब्याडमिन्टन एकेडेमीकी रोजी राईले काठमाण्डौ ब्याडमिन्टन एकेडेमीकी एञ्जेल लिम्बुलाई २१–१४, २१–१४ को समान अन्तरले पराजित गर्दै स्वर्ण हात पार्नुभयाे । तेश्रो स्थानमा सेनाकी रोज पाण्डे र १६ फिदरकी रिहाना शेरचन रहनुभयाे । सोही बिधाको छात्र एकल तर्फ एनआरएनका शाहिल चन्द र सिल्क ग्रुपका कबिर के सी विच भएको प्रतिस्पर्धामा कबिरलेले बाजी मार्नुभयाे । उहाँले २१–१५, २१–१६ का जित निकाल्नुभएकाे हाे । तेश्रो स्थानमा कपिलबस्तुका रोहित बराल र अभय महरा रहनुभयाे ।

मास्टर्स युगल ४५ तर्फ कास्कीका नरबहादुर गुरुङ्ग र शम्भु श्रेष्ठको जोडीले जित निकाल्याे । उक्त जोडीले गठ्ठाघर स्पोर्टस् क्बलका पूर्णहरि होना र संजीव कपालीको जोडी लाई २१–१५, २१–१७ ले पराजित गर्दै स्वर्ण हात पार्नुभएकाे हाे । तेश्रो स्थानमा जेष्ट ब्याडमिन्टनका श्याम पराजुली र नविन बाबु श्रेष्ठ तथा चन्द्रागिरीका राम के सी र हरि खत्रीको जोडी रहयाे ।

बिजयी खेलाडीहरुलाई संघिय साँसद प्रेम सुवाल, नेपाल ब्याडमिन्टन संघका अध्यक्ष रामजी बहादुर श्रेष्ठ, उपमेयर रजनी जोशी लगायतले पुरस्कार वितरण गर्नुभएकाे थियाे ।

करिब १६ लाख ८६ हजार ५ सय रुपैयाँ लागत रहेको च्याम्पियनसिपमा यु–१५ पुरुष÷महिला सिंगल्समा शीर्ष स्थान हात पार्नेले क्रमशः १५ हजार, १० हजार र ७ हजार ५ सय नगद पुरस्कार प्राप्त गर्नुभयाे । पुरुष÷महिला सिंगल्सका विजेताले ३५ हजार, उपविजेताले २० हजार र तेश्रोले १२ हजार ५ सयका दरले नगद पुरस्कार हात पार्नुभयाे । भेट्रान ४५ वर्षमाथि डबल्स र पुरुष डबल्समा पहिलो हुनेले ३० हजार, दोश्रोले १५ हजार र तेश्रोले ७ हजार ५ सय नगद पुरस्कार प्राप्त गर्नुभयाे ।चारदिने च्याम्पियनसिपमा सातै प्रदेशका जिल्ला र तीन विभागीय टोली (आर्मी , प्रहरी , एपीएफ) बाट २ सय खेलाडीको सहभागिता रहेको थियो ।

आजको ट्रेन्डिङ समाचार

धेरै कमेन्ट गरिएका