डायमण्ड माविमा शैक्षिक मेला भव्यताका साथ सम्पन्न • Nepal's Trusted Digital Newspaperडायमण्ड माविमा शैक्षिक मेला भव्यताका साथ सम्पन्न • Nepal's Trusted Digital Newspaper
  • होमपेज
  • डायमण्ड माविमा शैक्षिक मेला भव्यताका साथ सम्पन्न

डायमण्ड माविमा शैक्षिक मेला भव्यताका साथ सम्पन्न

  • समाचारपाटी
  • सोमवार, चैत्र ७, २०७८
डायमण्ड माविमा शैक्षिक मेला भव्यताका साथ सम्पन्न

लेखनाथ । पोखरा महानगरपालिका वडा नं. २७ मा रहेको डायमण्ड मा.वि. मा डायमण्ड शैक्षिक मेला–२०७८ भव्यताका साथ सम्पन्न भएको छ ।

मेलामा विविध विषयका शैक्षिक सामग्रीको प्रदर्श प्रतिभाहरुको प्रस्तुती, खेल तथा मनोरञ्जन र स्वादिष्ट खाद्यपरिकारको स्टल तथा साँस्कृती कार्यक्रम प्रर्दशन गरिएको थियाे ।

डायमण्ड शैक्षिक मेलामा विद्यार्थीहरू आँफैको सकृयतामा संचालन गरिएको मेला मा अभिभावकको सकारात्मक प्रतिक्रिया आएको र आफ्ना बाबू नानीको यो कार्यबाट निकैनै खुसी प्राप्त भएको विचार व्यक्त गर्नुभएको विद्यालयका प्राचार्य यम बहादुर रोकाले जानकारी दिनुभएको छ ।

विद्यार्थीको सिर्जनात्मक ज्ञान र रचनात्मक, सीपको प्रर्दशनीका लागि “ज्ञान र मनोरंञ्जन एकै ठाउँमा“ भन्ने उद्घोषकका साथ  डायमण्ड शैक्षिक मेला–२०७८ को आयोजना गरिएको विद्यालयका निर्देशक माधव शरण उपाध्यायले जानकारी दिनुभएको थियो । सोच बमोजिमको मेला हुन गएकोमा खुशी समेत व्यक्त गर्नुभएको थियो ।

खेल, आर्ट, घरमा बनेको मिठाइँ, खानाका  विभिन्न विधाका २० वटा स्टल रहेको मेलामा करिब दुई हजार दर्शकले अवलोकन गरेको विद्यालयका व्यवस्थापक प्रमुख हरि प्रसाद लामिछानेले जानकारी दिनुभएको छ ।

b 3 c 3 d 2 e 2

आजको ट्रेन्डिङ समाचार

धेरै कमेन्ट गरिएका