नुवाकोटमा आगलागीबाट तीन घर जलेर नष्ट • Nepal's Trusted Digital Newspaperनुवाकोटमा आगलागीबाट तीन घर जलेर नष्ट • Nepal's Trusted Digital Newspaper
  • होमपेज
  • नुवाकोटमा आगलागीबाट तीन घर जलेर नष्ट

नुवाकोटमा आगलागीबाट तीन घर जलेर नष्ट

  • समाचारपाटी
  • शनिबार, चैत्र ५, २०७८
नुवाकोटमा आगलागीबाट तीन घर जलेर नष्ट

नुवाकोट । नुवाकोटको ककनी गाँउपालिका–३ अचराङमा शुक्रबार राति आगलागी हुँदा तीन घर जलेर नष्ट भएका छन्। आगलागीबाट मैते तामाङ, बुद्धिमान तामाङ र सागर तामाङको घर जलेर नष्ट भएको हो।

स्थानीय समाजसेवी कृष्ण ढुङ्गानाका अनुसार आगलागीबाट तामाङ तीन दाजुभाइको घरमा रहेको अन्नपात, भाडावर्तन, लत्ताकपडा, गरगहनासहितको धनसम्पत्ति सबै जलेर क्षति पुगेको छ।

स्थानीयवासी र ककनीबाट गएको नेपाल प्रहरीको संयुक्त टोलीले आगो नियन्त्रणमा लिए पनि घरमा भएका सामान सबै जलेर नष्ट भएको ककनी–३ का वडाध्यक्ष घननाथ बजगाइले जानकारी दिनुभएकाे हाे।

उहाँका अनुसार तीन घरसहित सो घरमा रहेका धनसम्पत्ति सबै जलेर नष्ट हुँदा ५० लाख भन्दाबढीको क्षति पुगेको देखिएको छ। आगलागीको कारण यकीन नभए पनि विद्युतीय मिटरबक्सबाट सुरु भएको देखिएकाले विद्युत् सर्ट भएर  हुनसक्ने प्रहरीको अनुमान छ।

पीडित परिवारलाई जिल्ला प्रशासन कार्यालयले आज टेन्टलगायत राहत सामग्री उपलब्ध गराउने प्रमुख जिल्ला अधिकारी नारायणप्रसाद रिसालले जानकारी दिनुभयाे।

आजको ट्रेन्डिङ समाचार

धेरै कमेन्ट गरिएका