आक्रमण जारी रहेकाे बेला तीन देशका प्रधानमन्त्री रेल चढेर युक्रेनको राजधानीमा • Nepal's Trusted Digital Newspaperआक्रमण जारी रहेकाे बेला तीन देशका प्रधानमन्त्री रेल चढेर युक्रेनको राजधानीमा • Nepal's Trusted Digital Newspaper
  • होमपेज
  • आक्रमण जारी रहेकाे बेला तीन देशका प्रधानमन्त्री रेल चढेर युक्रेनको राजधानीमा

आक्रमण जारी रहेकाे बेला तीन देशका प्रधानमन्त्री रेल चढेर युक्रेनको राजधानीमा

  • समाचारपाटी
  • बुधबार, चैत्र २, २०७८
आक्रमण जारी रहेकाे बेला तीन देशका प्रधानमन्त्री रेल चढेर युक्रेनको राजधानीमा

काठमाडौं । रुसले युक्रेनमा आक्रमण जारी राखेको बेला तीन देशका प्रधानमन्त्री रेल चढेर युक्रेनको राजधानी किएभ पुग्नुभएकाे छ ।

युक्रेनको साथमा उभिन पोल्याण्ड, स्लोभेनिया र चेक गणतन्त्रका प्रधानमन्त्रीहरु रेलको खतरनाक र लामा यात्रा गर्दै किएभमा पुगेको बीबीसीले जनाएको छ ।

रुसले आक्रमण तीव्र पारेपछि किएभमा ३५ घण्टे कर्फ्यु लगाइएको छ । कर्फ्यु लगाइएको बेलामै पोल्याण्डका प्रधानमन्त्री मातेउस मोराभिएत्सकी, स्लोभेनियाका प्रधानमन्त्री यानेस यान्सा र चेक गणतन्त्रका प्रधानमन्त्री पेत्र फियालाले युक्रेनका राष्ट्रपति भ्लोदोमिर जेलेन्स्कीसँग भेटवार्ता गर्नुभएकाे थियाे ।

रुसले युक्रेनमा आक्रमण गरेपछि युक्रेनका राष्ट्रपति जेलेन्स्कीलाई भेट्ने उहाँहरु पहिलो अन्तर्राष्ट्रिय नेताहरु हुनुहुन्छ। उहाँहरुले भेटिरहेको बेलामा किएयमा ठूलो विष्फोटको आवाज सुनिएको थियो ।

जेलेन्स्कीसँगको भेटमा उहाँहरुले युक्रेनले गरेको प्रतिवादको प्रशंसा गर्दै यो लडाइँमा आफूहरु युक्रेनको साथमा रहेको बताउनुभएकाे थियाे । जेलेन्स्कीलाई भेटेपछि चेक गणतन्त्रका प्रधानमन्त्री फियालाले ट्वीटरमा लेख्नुभएकाे छ, ‘हामी तपाईंहरुको लडाइँको प्रशंसा गर्छौं । तपाईंहरू हाम्रो जीवनका लागि पनि लडिरहनु भएको छ । तपाईंहरू एक्लो हुनुहुन्न ।’

यसैगरी पोल्याण्डका प्रधानमन्त्री मातेउस मोराभिएत्सकीले आफूहरूले युक्रेन गुमाए युरोप अहिलेको जस्तो नहुने बताउनुभएकाे छ ।

आजको ट्रेन्डिङ समाचार

धेरै कमेन्ट गरिएका