रुसलाई सहयोग गरे चीनलाई अमेरिकाले आर्थिक दण्ड दिने  • Nepal's Trusted Digital Newspaperरुसलाई सहयोग गरे चीनलाई अमेरिकाले आर्थिक दण्ड दिने  • Nepal's Trusted Digital Newspaper
  • होमपेज
  • रुसलाई सहयोग गरे चीनलाई अमेरिकाले आर्थिक दण्ड दिने 

रुसलाई सहयोग गरे चीनलाई अमेरिकाले आर्थिक दण्ड दिने 

  • समाचारपाटी
  • सोमवार, फाल्गुन ३०, २०७८
रुसलाई सहयोग गरे चीनलाई अमेरिकाले आर्थिक दण्ड दिने 

अमेरिकी राष्ट्रिय सुरक्षा सल्लाहकार जेक सुलिभानले चीनका एक उच्च कूटनीतिज्ञलाई भेट गर्दैछन् । सुलिभानले चिनियाँ कूटनीतिज्ञ याङ जियिचीलाई सोमबार इटालीको राजधानी रोममा भेट गर्न लागेका हुन् ।

भेटका अवसरमा दुई नेताबीच युक्रेन युद्धबारे छलफल हुने जनाइएको छ । सुलिभानले युक्रेन युद्धमा रुसलाई सहयोग गरेमा बेइजिङलाई आर्थिक दण्डको चेतावनी दिन सक्ने रोयटर्सले जनाएको छ ।

चीनले रुसलाई निरन्तर सहयोग गरेमा उसलाई विश्वव्यापी रुपमा एक्ल्याउने सुलिभानले चेतावनी दिने एक अमेरिकी अधिकारीलाई हवला दिँदै सो समाचार संस्थाले जनाएको हो ।

अमेरिका र अन्य देशका अधिकारीहरूले पछिल्ला सातामा चीनलाई स्पष्ट पार्न खोजेका छन् कि रुसको पक्षमा रहँदा उसले व्यापार प्रवाह र नयाँ प्रविधिको विकासमा मूल्य चुकाउनु पर्नेछ ।

यसअघि अमेरिकी वाणिज्यमन्त्री जीना रेमन्डोले रसिया निर्यातमा अमेरिकी प्रतिबन्धको उल्लंघन गर्ने चिनियाँ कम्पनीहरूले आफ्ना उत्पादनहरू बनाउन आवश्यक पर्ने अमेरिकी उपकरण र सफ्टवेयरबाट काट्न सक्ने चेतावनी दिएकी थिइन् ।

आजको ट्रेन्डिङ समाचार

धेरै कमेन्ट गरिएका