फलेवास डहरे देउरालीमा फोटोग्राफर संघ गण्डकीको दुई दिने फोटोग्राफी अन्तरक्रिया कार्यक्रम सम्पन्न • Nepal's Trusted Digital Newspaperफलेवास डहरे देउरालीमा फोटोग्राफर संघ गण्डकीको दुई दिने फोटोग्राफी अन्तरक्रिया कार्यक्रम सम्पन्न • Nepal's Trusted Digital Newspaper
  • होमपेज
  • फलेवास डहरे देउरालीमा फोटोग्राफर संघ गण्डकीको दुई दिने फोटोग्राफी अन्तरक्रिया कार्यक्रम सम्पन्न

फलेवास डहरे देउरालीमा फोटोग्राफर संघ गण्डकीको दुई दिने फोटोग्राफी अन्तरक्रिया कार्यक्रम सम्पन्न

  • समाचारपाटी
  • सोमवार, फाल्गुन ३०, २०७८
फलेवास डहरे देउरालीमा फोटोग्राफर संघ गण्डकीको दुई दिने फोटोग्राफी अन्तरक्रिया कार्यक्रम सम्पन्न

पोखरा । फोटोग्राफर संघ गण्डकीले  पर्वतको फलेवास स्थित डहरे देउराली सामुदायीक होमस्टेमा २ दिने फोटोग्राफी अन्तरक्रिया कार्यक्रम सम्पन्न गरेको छ । २ दिन सम्म चलेको सो कार्यक्रमा गण्डकी प्रदेशका तराई देखि हिमाल सम्मका, पर्वत, स्याङ्गजा, कास्की ,तनहुँ ,लमजुङ र नवलपुरका ३६ जना फोटोग्राफर तथा फोटोपत्रकारहरुले सहभागिता जनाउनुभएकाे थियाे ।

photo grafar scaled

आन्तरिक पर्यटन प्रर्वधनको उद्धेश्य लिएर अलगअलग कार्यक्रम प्रदेशका बेग्लाबेग्लै जिल्लामा आयोजनाा गर्ने संस्थाको उदेश्य अनुरुप यस पटक पर्वतको फलेवास डहरेदेउराली होमस्टेलाई चयन गरिएको संस्थाका सचिव तुलसी राम सुवेदीले बताउनुभयाे ।

कार्यक्रमको सहजकर्ता फोटोग्राफर संघ गण्डकीका प्रदेश सदस्य तथा फोटोपत्रकार घनश्याम पौडेलले फोटोग्राफी ईतिहांस तथा आधारभुत फोटोग्राफी सिद्धान्तका बारेमा कार्यपत्र प्रस्तुत गर्नुभएकाे थियाे ।

कार्यक्रमको मध्य भागमा लेण्डस्क्रेप नेचुरल फोटोग्राफीको ब्यवहारीक ज्ञानका लागि डहरेदेउराली शिव मन्दिर तथा देउराली भ्यू पोईन्टमा प्रयोगात्मक अभ्यासको कार्यक्रम समेत गरिएको थियो । डहरे देउराली को पर्यटकिय तथा धार्मिक बिकासका लागी संस्थागत रुपमा रु ४००० सहयोग गरेकाे संस्थाका अध्यक्ष दुर्गा प्रसाद पौडेल ले बताउनुभयाे ।

प्राकृतीक रुपले अतिनै सुन्दर स्थानका रुपमा डहरे देउरालीलाई महशुस गरेको र पाखाभरी लटरम्भ लालिगुरांस फुलेको नँया अनुभुती जिवनमा पहिलो पटक महसुस गरेको फोटोग्राफर संघ गण्डकीका कोषाध्यक्ष जिवन ढुंगानाले बताउनुभयाे ।

समापन कार्यक्रमा प्रमुख अतिथिका रुपमा शुभकामना दिदै फलेवास नगरपालिकाका प्रमुख पदमपाणी शर्माले आफ्नो नगरपालिकामा आयोजना गरिएका यस किसीमका कार्यक्रमहरुले हामी सवैको मन जित्न सफल भएको बताउनुभयाे । फोटोग्राफी क्षेत्र भनेको समाजको ऐना रहेको बताउँदै उहाँले हजार शब्द ले बताउन नसक्ने कुरा एउटा तस्बिरले बताईदिने हुँदा डहरेदेउराली जस्ता पर्यटकीय क्षेत्रमा फोटोग्राफी कार्यशाला राख्नु आँफैमा गौरवको बिषय रहेको दावी गर्नुभयाे ।

फोटोग्राफर संघ गण्डकीले फोटोग्राफी आन्दोलनमा गण्डकी प्रदेशभरिका फोटोग्राफरहरु बिचमा आपसी समझदारी र भातृत्वका लागि अलग्गै पहिचान बनाउन सफल रहेको फोटोग्राफर संघ गण्डकीका अध्यक्ष दुर्गा प्रसाद पौडेलले बताउनुभयाे । कार्यक्रममा पोखरा फोटोग्राफर संघका अध्यक्ष जनकराज तिवारी,तनहुँ फोटोग्राफर संघका अध्यक्ष बलभद्र श्रेष्ठ,लमजुङ फोटोग्राफर संघका अध्यक्ष मिलन शर्मा दनाई, नवलपुर फोटोग्राफर संघका अध्यक्ष किशोर अधिकारी ले आ–आफ्नो धारणा राख्नुभएकाे थियाे ।

कार्यक्रममा स्वागत मन्तव्य सहित फोटोग्राफी कार्यशालाको औचित्यका बारेमा कार्यक्रम संयोजक तथा संस्थाका उपाध्यक्ष नारायण बहादुर केसी ले प्रष्ट पार्नुभएकाे थियाे ।

संस्थाका अध्यक्ष दुर्गा प्रसाद पौडेलको अध्यक्षतामा संचालित कार्यक्रम संस्थाका सचिव तुलसी राम सुवेदीले संचालन गर्नुभएकाे थियाे। कार्यशालामा सहभागि ३६ जना फोटोग्राफरहरुलाई प्रमुख अतिथि शर्माले प्रमाणपत्र पदान गर्नुभएकाे थियाे ।

आजको ट्रेन्डिङ समाचार

धेरै कमेन्ट गरिएका