अर्थतन्त्र जोगाउन जोर–बिजोर लाग्न सक्ने • Nepal's Trusted Digital Newspaperअर्थतन्त्र जोगाउन जोर–बिजोर लाग्न सक्ने • Nepal's Trusted Digital Newspaper
  • होमपेज
  • अर्थतन्त्र जोगाउन जोर–बिजोर लाग्न सक्ने

अर्थतन्त्र जोगाउन जोर–बिजोर लाग्न सक्ने

  • समाचारपाटी
  • बिहिबार, फाल्गुन २६, २०७८
अर्थतन्त्र जोगाउन जोर–बिजोर लाग्न सक्ने

काठमाडौं । इन्धनको बढ्दो मूल्यका कारण देशको अर्थतन्त्र जटिलतातर्फ अघि बढेको भन्दै संसदीय समितिले पेट्रोलियम पदार्थको खपत घटाउने सबै उपाय लगाउन सरकारलाई निर्देशन दिएको छ । प्रतिनिधि सभा अन्तरगतको उद्योग तथा वाणिज्य र श्रम तथा उपभोक्ता समितिको बैठकले खपत घटाउने गरी काम गर्न विभिन्न निर्देशन दिएको हो ।

सवारी साधनमा जोरबिजोर प्रणाली लागू गर्नेदेखि इन्धन बिक्रीमा कोटा तोक्ने र भारतीय सवारी साधनलाई नेपालमा इन्धन भर्न रोक लगाउनेसम्मको उपाय अबलम्बन गर्न निर्देशन दिइएको समिति सभापति बिमल श्रीवास्तवले जानकारी दिए । बढ्दो मूल्यकै कारण पेट्रोलियममा दैनिक सवा अर्ब रुपैयाँ बाहिरिन थालेपछि खपत घटाएर अर्थतन्त्र जोगाउन यस्ता निर्देशन दिइएको समिति सभापति श्रीवास्तवले बताए ।

‘कोरोना कालमा जनता बचाउन जोरबिजोर लगाएका थियौं, अब अर्थतन्त्र बचाउन जोरबिजोर लगाउनु पर्छ, महंगीको बेला दैनिक डेढ अर्ब रुपैयाँ इन्धनमा किन बगाउने ?,’ उनले भने, ‘आयल निगमले पम्पहरुलाई दिने तेल नै कटौती गर्नुपर्छ, पेट्रोलको कर पनि घटाउन पनि निर्देशन दिएका छौं ।’

आजको ट्रेन्डिङ समाचार

धेरै कमेन्ट गरिएका