ईन्जिनियर डा.देउकाजी गुरुङ्ग केन्द्रीय उपाध्यक्षमा लड्दै • Nepal's Trusted Digital Newspaperईन्जिनियर डा.देउकाजी गुरुङ्ग केन्द्रीय उपाध्यक्षमा लड्दै • Nepal's Trusted Digital Newspaper
  • होमपेज
  • ईन्जिनियर डा.देउकाजी गुरुङ्ग केन्द्रीय उपाध्यक्षमा लड्दै

ईन्जिनियर डा.देउकाजी गुरुङ्ग केन्द्रीय उपाध्यक्षमा लड्दै

  • समाचारपाटी
  • बिहिबार, फाल्गुन २६, २०७८
ईन्जिनियर डा.देउकाजी गुरुङ्ग केन्द्रीय उपाध्यक्षमा लड्दै

पोखरा । यतिबेला देशैभरका इन्जिनियरहरुलाई चुनाव लागेको छ । निर्वाचन मिति नजिकिंदै गर्दा उनीहरु आ–आफ्नों पक्षमा मत माग्न व्यस्त देखिन थालेका छन् । नेपाल ईन्जिनियर्स एशाेसिएशन को ३३ औं केन्द्रिय कार्यकारिणी समितिको निर्वाचन आउँदो शुक्रबार हुँदैछ । उक्त निर्वाचनमा पोखराका ईन्जिनियर डा.देउकाजी गुरुङ्गले केन्द्रिय उपाध्यक्षमा आफ्नों उम्मेदवारी दर्ता गराउनुभएकाे छ । उहाँले ई.डा.सुरज लामिछानेको बृहत राष्ट्रिय प्रगतिशिल गठबन्धनबाट चुनाव लड्न लाग्नुभएकाे हाे ।

पोखराका गुरुङ्ग थापाथलीस्थित ईन्जिनियरिङ क्याम्पसका उप–प्राध्यापक, नेपाल प्रगतिशील प्राध्यापक संगठनका केन्द्रिय उपाध्यक्ष, नेकपा एमाले केन्द्रीय अर्थ तथा योजना विभागका सदस्य, नेपाल भ्यालुएटर्स एशोसिएशनका सल्लाहकार, नेपाल इन्स्योरेन्स सर्भेयर एशोसिएशनका उपाध्यक्ष हुन् । यसबाहेक पनि अन्य थुप्रै संघसंस्थाहरु आवद्ध भएका उनले ईन्जिनियरिङको क्षेत्रमा लामो अनुभव बटुलिसकेका छन् । देउकाजी सम्मिलित समितिको महासचिवमा ई.डा.भेषराज थापा, उप–महासचिवमा ई.शिवराम केसी, कोषाध्यक्षमा ई.डा.आनन्द सिंह तथा सह–कोषाध्यक्षमा ई.अर्जुन पौडेलले चुनाव लड्दै हुनुहुन्छ ।

गतवर्ष चैत २४ गते तोकिएको एशाेसिएशन केन्द्रीय र प्रदेश समितिको निर्वाचन कोरोना महामारीका कारण पटक–पटक सारिँदै आएको थियो । यसअघि ७ माघमा गर्ने भनिएको निर्वाचन प्रक्रिया पुनः सरेर २७ फागुनलाई तोकिएको हो । एशाेसिएशनमा आबद्ध देशभर २१ हजार ६ सय ८० जना मतदाताले निर्वाचनमा मतदान गर्ने छन् ।

आजको ट्रेन्डिङ समाचार

धेरै कमेन्ट गरिएका