व्याख्यात्मक टिप्पणीसहित एमसीसी अनुमोदन गर्ने निर्णयले माओवादीभित्र बढायो असन्तुष्टी  • Nepal's Trusted Digital Newspaperव्याख्यात्मक टिप्पणीसहित एमसीसी अनुमोदन गर्ने निर्णयले माओवादीभित्र बढायो असन्तुष्टी  • Nepal's Trusted Digital Newspaper
  • होमपेज
  • व्याख्यात्मक टिप्पणीसहित एमसीसी अनुमोदन गर्ने निर्णयले माओवादीभित्र बढायो असन्तुष्टी 

व्याख्यात्मक टिप्पणीसहित एमसीसी अनुमोदन गर्ने निर्णयले माओवादीभित्र बढायो असन्तुष्टी 

  • समाचारपाटी
  • आइतवार, फाल्गुन १५, २०७८
व्याख्यात्मक टिप्पणीसहित एमसीसी अनुमोदन गर्ने निर्णयले माओवादीभित्र बढायो असन्तुष्टी 

काठमाडौं । नेकपा (माओवादी केन्द्र)ले व्याख्यात्मक टिप्पणीसहित अमेरिकी सहयोग मिलेनियम च्यालेन्ज कम्प्याक्ट (एमसीसी) संसदबाट अनुमोदन गर्ने निर्णय गरेपछि पार्टी भित्र असन्तुष्टी बढेको छ । माओवादीका केही नेताहरुले पार्टीको निर्णयप्रति असन्तुष्टी जनाउँदै गम्भिर असहमति प्रकट गरेका छन् ।

‘पाँच दलीय गठबन्धनमा अध्यक्ष प्रचण्डले ब्याख्यात्मक घोषणा सहित एमसीसी सम्झौता अनुमोदन गर्ने जानाकारी गराउनु भएको छ । यो निर्णयप्रति मेरो गम्भीर असहमति र आपत्ति रहेको छ,’ माओवादी केन्द्रका नेता नारायणकाजी श्रेष्ठले ट्वीटर मार्फत असन्तुष्टी जनाउनुभएकाे छ ।

माओवादी केन्द्रले यसअघि एमसीसीलाई हालकै अवस्थामा अनुमोदन गर्न नसकिने निर्णय गरेको थियो । एमसीसी सम्झौताको केही बुँदा संशोधन गरेर मात्र अनुमोदन गर्ने र संशोधन नगरे संसदमा हुने मतदानमा विपक्षमा मतदान गर्ने अडान माओवादीको थियो ।

तर, एमसीसीकै कारण सत्ताबाट बाहिरिनु पर्ने अवस्था आएपछि माओवादीको आइतबार विहान बसेको बैठकले ब्याख्यात्मक घोषणासहित एमसीसी अनुमोदन गर्ने निर्णय गरेको थियो ।

‘आज बिहानको पार्टीको छलफलमा म लगायत केही कमरेडहरुले मतभेद राखि सकेका छौं । यो महाधिवेशनको बिरुद्ध छ  र गलत छ,’ श्रेष्ठले ट्वीटरमा लेख्नुभएकाे छ ।

माओवादी केन्द्रका अर्का नेता लीलामणि पोखरेलले व्याख्यात्मक घाेषणासहित एमसीसी अनुमोदन गर्ने पार्टीको निर्णयमा असहमति जनाउनुभएकाे छ ।

पार्टीको निर्णयपछि पोखरेलले एमसीसीमा टिप्पणीसहितको सम्झौताको अर्थ नहुने बताउनुभयाे । ‘एमसीसीमा ब्याख्यात्मक घोषणासहितको सम्झौता गर्ने भनिए पनि त्यो सिधै सम्झौता ठहर्छ । यो ब्याख्याले सम्झौता संशोधन वा परिमार्जनमध्ये आफुहरुको माग पुरा हुँदैन,’ पोखरेलले भन्नुभयाे ।

व्याख्यात्मक टिप्पणीसहित एमसीसी अनुमोदन गर्ने पार्टीको निर्णयमा अन्य केहि नेताहरु पनि असन्तुष्ट रहेको तर आफुले नाम भन्न नचाहेको पोखरेलले  बताउनुभयाे ।

आजको ट्रेन्डिङ समाचार

धेरै कमेन्ट गरिएका