एमसीसीमा सैद्धान्तिक छलफलः कुन प्रक्रियामार्फत टुंग्याउने हो ? त्यसको छिनोफानो हुने • Nepal's Trusted Digital Newspaperएमसीसीमा सैद्धान्तिक छलफलः कुन प्रक्रियामार्फत टुंग्याउने हो ? त्यसको छिनोफानो हुने • Nepal's Trusted Digital Newspaper
  • होमपेज
  • एमसीसीमा सैद्धान्तिक छलफलः कुन प्रक्रियामार्फत टुंग्याउने हो ? त्यसको छिनोफानो हुने

एमसीसीमा सैद्धान्तिक छलफलः कुन प्रक्रियामार्फत टुंग्याउने हो ? त्यसको छिनोफानो हुने

  • समाचारपाटी
  • शुक्रबार, फाल्गुन १३, २०७८
एमसीसीमा सैद्धान्तिक छलफलः कुन प्रक्रियामार्फत टुंग्याउने हो ? त्यसको छिनोफानो हुने

काठमाडौं प्रतिनिधिसभा बैठकमा आजवाट सुरु हुने भनिएको अमेरिकन सहयोग मिलिनियम च्यालेन्ज कर्पोरेशन (एमसीसी) को सैद्धान्तिक छलफल कुन प्रक्रियामार्फत टुंग्याउने हो ? त्यसको छिनोफानो हुने भएको छ ।

सभामुख अग्निप्रसाद सापकोटाले ध्वनीमतको प्रक्रियामामार्फत सैद्धान्तिक छलफल चलाउँछन कि मत बिभाजनमार्फत गर्छन भन्ने बिषयका छिनोफानो आज अपरान्ह बस्ने संसद बैठकले छिनोफानो गर्न लागेको हो ।

सभामुख सापकोटाले माओवादी केन्द्रका अध्यक्ष पुष्पकमल दाहाल प्रचण्डको निर्देशन अनुसार मत बिभाजनको प्रक्रियामार्फत सैद्धान्तिक छलफलमा लैजान खोजेको आशंकमा सरकारले बिहिवारको संसद स्थगित गराएपछि सो बिषयलाइ महत्वका साथ हेरिएको छ । मत बिभाजनमा प्रक्रियामा लगेर सभामुखले एमसीसीलाई सैद्धान्तिक बहस अघि नै असफल बनाउन लागेको आशंका गरेपछि सरकारले अचानक आग्रह गरेर बिहिवारको बैठक स्थगित गराउनु परेको सार्वजनिक भएको थियो ।

सो योजनाको बारेमा गृहमन्त्री बालकृष्ण खाँडले सभामुख सापकोटालाई भेटेर आपत्ति मात्रै जनाउनुभएनमात्र, सभामुख सापकोटाले आफनो पदीय भुमिका भुल्न नहुनेसम्मको टिप्पणी गर्नुभएकाे छ । जसकाकारण, एमसीसीमा बिबादमा पर्दै आएका सभामुख सापकोटा बिहिवार देखी थप बिबाद र आशंकाको घेरामा थप पर्न जानुभएकाे छ । माओवादी केन्द्रका २८ जना सांसद उभिएर मत बिभाजनको माग गर्ने र सभामुखले नियमतः सो अनुमति दिने योजनाको चाल पाए पछि सरकारले संसद बैठक स्थगित गर्नुपरेको वालुवाटार स्रोतले जनाउँदै आएको छ ।

सो योजना सार्वजनिक भए पछि सरकारका प्रवक्तासमेत रहेका सुचना तथा सञ्चार प्रबिद्यि मन्त्री ज्ञानेन्द्रबहादुर कार्कीले भने सैद्धान्तिक छलफल गराउनका लागि मत बिभाजन गर्ने प्रचलन नेपालमा नभएको टिप्पणी गर्नुभएकाे छ । ‘२०४७ साल देखी हामी संसदीय व्यवस्थाको अभ्यास गरिरहेका छौं, आजसम्म सैद्धान्तिक छलफल चलाउनका लागि मत बिभाजन गरिएको उदाहरण छैन, मलाई लाग्छ सभामुखले यो काम गर्नु हुन्न,’ कार्कीले वालुवाटारमा बिहिवार साँझ टिप्पणी गर्नुभएकाे थियाे, ‘यदी सैद्धान्तिक छलफलमा नै मत बिभाजन गर्न थालियो भने कुनै पनि सरकारले काम गर्न सक्दैन, संसद नै अप्ठयारो अवस्थावाट सधैभरी गुज्रन्छ, यो काम गर्नु हुन्न् ।’ सभामुख सापकोटाले एमसीसीको सैद्धान्तिक छलफलमा मत बिभाजनमार्फत प्रक्रिया अघि नबढाउनेमा सरकार विश्वस्त रहेको प्रवक्ता कार्कीको भनाई छ ।

आजको ट्रेन्डिङ समाचार

धेरै कमेन्ट गरिएका