एकीकृत समाजवादीको शीर्ष नेताको बैठक बस्दै • Nepal's Trusted Digital Newspaperएकीकृत समाजवादीको शीर्ष नेताको बैठक बस्दै • Nepal's Trusted Digital Newspaper
  • होमपेज
  • एकीकृत समाजवादीको शीर्ष नेताको बैठक बस्दै

एकीकृत समाजवादीको शीर्ष नेताको बैठक बस्दै

  • समाचारपाटी
  • बुधबार, फाल्गुन ११, २०७८
एकीकृत समाजवादीको शीर्ष नेताको बैठक बस्दै

नेकपा एकीकृत समाजवादीले बिहीबार बस्ने प्रतिनिधिसभा बैठकमा प्रस्तुत हुने रणनीति तय गर्दैछ । त्यसका लागि आज दिउँसो आलोकनगरस्थित पार्टी केन्द्रीय कार्यालयमा शीर्ष नेताको अनौपचारिक बैठक बस्दैछ ।

अमेरिकी सहयोग परियोजना एमसीसीको विपक्षमा उभिने निर्णय गरेको एकीकृत समाजवादीले यसबारे थप छलफल गरेर संसदमा प्रस्तुत हुने तयारी गरेको पार्टीका उपमहासचिव गंगालाल तुलाधारले जानकारी दिए ।

आज शीर्ष नेताको छलफलपछि भोलि बिहान संसदीय दलको बैठक बोलाउने एकीकृत समाजवादीको तयारी छ । एमसीसीलाई लिएर एकीकृत समाजवादी दुई धारमा उभिएको छ ।

अध्यक्ष माधवकुमार नेपाल यसको समर्थन र सम्मानित नेता झलनाथ खनाल विपक्षमा उभिएका छन् । एकीकृत समाजवादीले एमसीसीको विपक्षमा उभिने निर्णय गरे पनि सांसदहरूलाई ह्विप भने जारी नगर्ने भएको छ ।

आजको ट्रेन्डिङ समाचार

धेरै कमेन्ट गरिएका