टी २० विश्वकप :- सिनियर टिमको कप्तानी डेब्युमा जितको स्वाद चाखे सन्दीप लामिछानेले • Nepal's Trusted Digital Newspaperटी २० विश्वकप :- सिनियर टिमको कप्तानी डेब्युमा जितको स्वाद चाखे सन्दीप लामिछानेले • Nepal's Trusted Digital Newspaper
  • होमपेज
  • टी २० विश्वकप :- सिनियर टिमको कप्तानी डेब्युमा जितको स्वाद चाखे सन्दीप लामिछानेले

टी २० विश्वकप :- सिनियर टिमको कप्तानी डेब्युमा जितको स्वाद चाखे सन्दीप लामिछानेले

  • समाचारपाटी
  • शनिबार, माघ २९, २०७८
टी २० विश्वकप :- सिनियर टिमको कप्तानी डेब्युमा जितको स्वाद चाखे सन्दीप लामिछानेले

 काठमाडौं, २९ माघ। नेपाली राष्ट्रिय क्रिकेट टोली अहिले सन्दीप लामिछानेको कप्तानीमा ओमानमा चार देशीय टी २० सिरिज खेल्न व्यस्त छ । आईसीसी टी २० विश्वकप ग्लोबल क्वालिफायर ए को तयारी स्वरुपमा नेपाल, ओमान, आयरल्याण्ड र यूएईले यो सिरिज खेलिरहेका छन् ।

सन्दीप लामिछानेले सिनियर टिमको कप्तानी डेब्युमा शुक्रबार जितको स्वाद चाखेका छन् । आज नेपालले यूएईसँग अल अमरेत मैदानमा खेल्दैछ । त्यो खेल ११ :४५ मा हुनेछ ।

नेपालीको ध्यान ओमानतर्फ हुनेछ नै योसँगै भारतको बेंगलुरुमा हुने इन्डियन प्रिमियर लिग (आईपीएल) को नयाँ सिजनको लागि हुने मेगा अक्सनमा पनि हुनेछ ।

कारण नेपालबाट एक्लो खेलाडीको रुपमा उनै सन्दीप लामिछाने मात्र अक्सनका लागि समावेश छन् । नेपालबाट सन्दीपसहित कुल १५ खेलाडीले अक्सनका लागि नाम दर्ता गरे पनि अक्सनका लागि भने सन्दीप मात्र छनोटमा परेका हुन् ।

त्यसैले यसपटक सन्दीपलाई कुन टिमले अनुबन्ध गर्ला रु सन्दीप फेरि आईपीएलमा छनोट होलान् वा नहोलान् भन्ने चासोको विषय बनेको छ ।

सन्दीपले यसअघि दिल्ली क्यापिटल्सबाट आईपीएल खेलिसकेका छन् । सन् २०१८ मा पहिलो पटक दिल्लीमा अनुबन्ध हुँदै आईपीएलमा डेब्यु गरेका सन्दीपले दुई सिजन खेले । तर २०२० को सिजन भने उनी पूरा सिजन बेन्चमा रहे । त्यसपछि दिल्लीले उनलाई रिलिज गर्‍यो । गत सिजनको मिनी अक्सनमा भने सन्दीपलाई कुनै पनि टिमले अनुबन्ध गरेन ।

यसपटक दुई नयाँ टिम थपिनु अनि मेगा अक्सन हुनुले पनि सन्दीपलाई कुनै न कुनै टिमले अनुबन्ध गर्ने सम्भावना बढी छ ।

आईपीएल त्यस्तो प्रतियोगिता हो जुन राष्ट्रिय टिम पनि हरेक खेलाडीको दोस्रो रोजाइमा पर्छ । विश्वको सबैभन्दा चर्चित र ठूलो फ्रेन्चाइज लिग र पैसा र ग्लामर पनि उत्तिकै हुने यस लिगमा खेल्न विश्वभरका खेलाडीको चाहना हुन्छ । नेपालबाट पनि सन्दीपले त्यो अवसर पाइसकेका छन् ।

आईपीएलमा छानिनका लागि धेरै प्रतिस्पर्धा पनि हुन्छ । त्यसैले अन्य फ्रेन्चाइज लिगमा करोडमा अनुबन्ध भए पनि सन्दीपले यसपटक आईपीएल अक्सनमा आफ्नो बेस प्राइज ४० लाख भारु (६४ लाख ) मात्र राखेका छन् ।

सन्दीपसहित एसोसिएट राष्ट्रबाट यस पटक ७ खेलाडी छन् । जसमा अधिकांश बलर नै छन् । अक्सनका लागि सन्दीप ११औं सेटमा छन् भने उनको नाम ९४औं नम्बरमा छ । यस सेटमा सन्दीपबाहेक अन्य खेलाडी अनक्याप्ड बलर छन् । सन्दीपसँगै अफगानिस्तानका युवा बलर नुर अहमेद यस सेटमा छन् । बाँकी ६ खेलाडी भारतीय छन् ।

आईपीएल खेलिसकेका भारतका मुरुगन आश्विन, केसी कारिएप्पन, श्रेयास गोपा, जगजित सुचितासहित आर साई किशोर र एम सिद्धार्थ यस सेटमा छन् ।

आजको ट्रेन्डिङ समाचार

धेरै कमेन्ट गरिएका