६ दल र दुई माेर्चा आज एमसिसीविरुद्ध राजधानीमा प्रदर्शन गर्दै • Nepal's Trusted Digital Newspaper६ दल र दुई माेर्चा आज एमसिसीविरुद्ध राजधानीमा प्रदर्शन गर्दै • Nepal's Trusted Digital Newspaper

हालको खबर

  • होमपेज
  • ६ दल र दुई माेर्चा आज एमसिसीविरुद्ध राजधानीमा प्रदर्शन गर्दै

६ दल र दुई माेर्चा आज एमसिसीविरुद्ध राजधानीमा प्रदर्शन गर्दै

  • समाचारपाटी
  • बुधबार, माघ २६, २०७८
६ दल र दुई माेर्चा आज एमसिसीविरुद्ध राजधानीमा प्रदर्शन गर्दै

अमेरिकी मिलेनियम च्यालेन्ज कर्पोरेशन (एमसीसी) सम्झौताविरुद्ध आन्दोलन घोषणा गरेका ६ कम्युनिस्ट पार्टी र दुई मोचाले आज काठमाडौं उपत्यकामा प्रदर्शन गर्ने भएका छन् ।

नेत्रविक्रम चन्द ‘विप्लव’ नेतृत्वको नेकपा, नेकपा (मसाल), नेकपा (क्रान्तिकारी माओवादी) नेपाल कम्युनिस्ट पार्टी, वैज्ञानिक समाजवादी कम्युनिस्ट पार्टी, नेकपा (माओवादी केन्द्र समाजवादी), राष्ट्रिय जनमोर्चा र देशभक्त जनगणतान्त्रिक मोर्चा नेपालले दिउँसो १२ बजे प्रदर्शन गर्ने भएका हुन् ।

नेताहरूका अनुसार माइतीघरबाट सुरु हुने प्रदर्शन स्रसद भवन नयाँबानेश्वरसम्म पुग्नेछ । यसबाहेक आजै देशभर प्रर्दशनको पूर्वनिर्धारित कार्यक्रम पनि छ ।

सरकारले एमसिसी संसद्‍बाट अनुमोदन गराउने तयारी थालेपछि ६ दल र दुई मोर्चा विरोधमा उत्रिएका हुन् ।

आजको ट्रेन्डिङ समाचार

धेरै कमेन्ट गरिएका