वीरगञ्जलाई प्रदेश २ को राजधानी बनाउन दबाब • Nepal's Trusted Digital Newspaperवीरगञ्जलाई प्रदेश २ को राजधानी बनाउन दबाब • Nepal's Trusted Digital Newspaper
  • होमपेज
  • वीरगञ्जलाई प्रदेश २ को राजधानी बनाउन दबाब

वीरगञ्जलाई प्रदेश २ को राजधानी बनाउन दबाब

  • समाचारपाटी
  • मङ्लबार, पुस २७, २०७८
वीरगञ्जलाई प्रदेश २ को राजधानी बनाउन दबाब

प्रदेश २ को स्थायी राजधानी देशकै आर्थिक नगरीका रूपमा स्थापित वीरगञ्जलाई बनाउन दबाब सिर्जना गर्न थालिएको छ । वीरगञ्जलाई प्रादेशिक स्थायी राजधानी बनाउन दबाव दिन ज्ञापनपत्र बझाउनेदेखि मुख्यमन्त्रीको निवासमा धर्ना बस्नेसम्मको कार्यक्रम सार्वजनिक गरिएको हो ।

वीरगञ्ज राजधानीको पक्षमा आवाज उठाउँदै आएका लोकतान्त्रिक समाजवादी पार्टी (लोसपा(का नेता राजेशमान सिंहको समूहले २८ पुसमा प्रदेश २ लोसपा संसदीय दलका नेता जितेन्द्र सोनललाई ज्ञापनपत्र बुझाउँदैछन् भने ३० गते प्रदेशका मुख्यमन्त्रीको वीरगञ्ज निवास अगाडि शान्तिपूर्ण धर्ना एवं प्रदर्शन गर्ने कार्यक्रम सार्वजनिक गरेको हो ।

समग्रमा देशकै प्रमुख आर्थिक नगरीका रूपमा परिचित वीरगञ्जलाई नै प्रदेशको स्थायी राजधानी बनाउनुपर्ने भन्दै पर्साबाट निर्वाचित प्रदेशसभा सदस्य प्रल्हाद गिरी, लोसपा नेता प्रेमबाबु पटेल, मुकेश द्विवेदी, उमेश सहनी, सुजित गिरीलगायतको माग छ ।

वीरगञ्जलाई नै स्थायी राजधानी बनाउने भन्दै वीरगञ्जवासीले दबाब सिर्जना गरेका छन् । मधेश आन्दोलनलाई सार्थक बनाउन वीरगञ्जले खेलेको भूमिका र शहीदको बलिदानीको मूल्याङ्कन गरेर वीरगञ्जलाई राजधानी कायम गर्नुपर्ने माग उनीहरूको छ ।

आजको ट्रेन्डिङ समाचार

धेरै कमेन्ट गरिएका