यी हुन् माओवादीबाट राष्ट्रिय सभा निर्वाचनका उम्मेदवार  • Nepal's Trusted Digital Newspaperयी हुन् माओवादीबाट राष्ट्रिय सभा निर्वाचनका उम्मेदवार  • Nepal's Trusted Digital Newspaper
  • होमपेज
  • यी हुन् माओवादीबाट राष्ट्रिय सभा निर्वाचनका उम्मेदवार 

यी हुन् माओवादीबाट राष्ट्रिय सभा निर्वाचनका उम्मेदवार 

  • मङ्लबार, पुस २०, २०७८
यी हुन् माओवादीबाट राष्ट्रिय सभा निर्वाचनका उम्मेदवार 

नेकपा माओवादीले राष्ट्रिय सभा सदस्य निर्वाचनका लागि आफ्नो पार्टीको तर्फबाट उम्मेदवारको नाम टुंगो लगाएको छ । आउँदो १२ माघमा हुने राष्ट्रिय सभा सदस्य निर्वाचनका लागि उम्मेदवारको नाम टुंगो लगाउने जिम्मा अध्यक्ष पुष्पकमल दाहाल प्रचण्डलाई दिइएको थियो ।

जसअनुसार प्रचण्डले मोरङकी उर्मिला अर्याललाई प्रदेश २ मा, गण्डकीमा  सुरेश आलेमगर र भरत सुनारको नाम टुंगो लगाएका  प्रचण्डका स्वकीय सचिव रमेश मल्लले जानकारी दिए । उनका अनुुसार आले अन्य कोटा र सुनार दलित कोटाबाट उम्मेदवार बनेका हुन् ।

यस्तै कर्णाली अपांग तथा अल्पसंख्यकबाट सुर्खेत नरबहादुर विष्ट र दलितबाटै सुदूरपश्चिमबाट जगत पार्कीलाई उम्मेदवार बनाइएको छ । एक जना राष्ट्रपतिबाट मनोनित गरिने भएकाले त्यसका लागि रामनारायण बिडारीको नाम अध्यक्ष प्रचण्डले टुंगो लगाएका छन् ।

रिक्त रहेका राष्ट्रिय सभा सदस्यमा यसअघि जुन पार्टीबाट निर्वाचित भएकाले थिए सोही पार्टीलाई छाडिने दिने सत्तारुढ गठबन्धनले निर्णय गरेको थियो । जसअनुसार माओवादी कोटाबाट बिडारी राष्ट्रिय सभामा मनोनीत भएका थिए । फेरि उनैलाई दोहोर्‍याउन थालिएको हो । तर, एमालेबाट निर्वाचित भएको स्थानमा भने गठबन्धनले भागबन्डा गरेको छ ।

आजको ट्रेन्डिङ समाचार

धेरै कमेन्ट गरिएका