विसौनी दोहोरी नयाँ व्यवस्थापनका साथ सञ्चालनमा, पत्रकार राजाराम पौडेल सम्मानित | Samacharpati विसौनी दोहोरी नयाँ व्यवस्थापनका साथ सञ्चालनमा, पत्रकार राजाराम पौडेल सम्मानित – Samacharpati
  • होमपेज
  • विसौनी दोहोरी नयाँ व्यवस्थापनका साथ सञ्चालनमा, पत्रकार राजाराम पौडेल सम्मानित

विसौनी दोहोरी नयाँ व्यवस्थापनका साथ सञ्चालनमा, पत्रकार राजाराम पौडेल सम्मानित

विसौनी दोहोरी नयाँ व्यवस्थापनका साथ सञ्चालनमा, पत्रकार राजाराम पौडेल सम्मानित

पोखरा, २३ असोज । पोखरा सिर्जनाचोकमा रहेको विसौनी दोहोरीसाँझ नयाँ व्यवस्थापनका साथ सञ्चालनमा आएको छ । नयाँ व्यवस्थापनका साथ सञ्चालनमा आएको यो दोहोरीसाँझको नेपाल संगीत तथा नाट्य प्रज्ञा प्रतिष्ठानका प्राज्ञ तथा लोकसंगीत विभाग प्रमुख वरिष्ठ गायिका हरिदेवी कोइरालाले उद्घाटन गर्नुभएकाे छ ।

नयाँ व्यवस्थापनका साथ सञ्चालनमा आएको दोहोरी साँझले व्यवसायिक सफलता प्राप्त गरोस् भन्दै गायिका कोइरालाले दोहोरी साँझ नयाँ प्रतिभालाई अवसर र पुराना प्रतिभालाई निखारता प्रदान गर्न सघाएको बताउनुभयाे । दोहोरी साँझमा पोखरा १९ का चन्द्र दर्नालको एकल लगानी रहेको छ ।

झण्डै डेढ करोडको लगानीमा दोहोरी साँझ र रेष्टुरेन्ट सञ्चालनमा ल्याउन लागेको व्यवसायी दर्नालले जानकारी दिनुभयाे । ‘तल्लो तलामा दोहोरी साँझ सञ्चालन हुन्छ, टपमा रेष्टुरेन्ट, दुवैतीर गरेर झण्डै डेढ करोड लगानी गर्दैछु’ उहाँले भन्नुभयाे । यस अगाडि दर्नालले पोखराको दर्पणछाँया दोहोरी साँझमा लगानी गर्नुभएकाे थियाे ।

दोहोरी साँझमा गुणस्तरीय परिकारको साथमा पारिवारिक वातावरणमा दोहोरीको मज्जा लिन पाइने सञ्चालक दर्नालको दावी छ ।
शुभारम्भको अवसरमा दोहोरीसाँझले पत्रकार राजाराम पौडेल सम्मान गरेको छ । पत्रकार पौडेललाई नेपाल संगीत तथा नाट्य प्रज्ञा प्रतिष्ठानका प्राज्ञ तथा लोकसंगीत विभाग प्रमुख वरिष्ठ गायिका हरिदेवी कोइरालाले सम्मान गर्नुभएकाे हाे ।

पत्रकारिताको माध्यमबाट लोकसंगीतको क्षेत्रमा पुर्याएको योगदानको कदर गर्दै सम्मान गरिएको सञ्चालक दर्नालले बताउनुभयाे । रेडियो अन्नपूर्णमा आवद्ध पत्रकार पौडेल रंगपत्रकारिता क्षेत्रमा क्रियाशिल रहनुभएकाे छ । व्यवसायबाट प्राप्त भएको नाफाको केही हिस्सा असाहय तथा गरिब व्यक्तिको लागि छुट्याउने सञ्चालक दर्नालले खुलाउनुभयाे ।

लोक संगीत प्रतिको मायाका कारण ट्याक्सी ड्राइभरबाट दोहोरी साँझ तर्फ यात्रा मोडिएको उहाँले सुनाउनुभयाे । ‘२०६२ चैत्रबाट मैले ट्याक्सी ड्राइभरको काम गरे, मलाई लोक संगीत ज्यादै मनपर्छ, स्वदेशमानै केही गर्नुपर्छ भन्ने मान्यता मेरो हो, त्यसपछि दोहोरी साँझ तर्फ लगानी गर्न आए, दोहोरी व्यवसायमा मेरो आगमन भएको ५ वर्ष भयो’ दर्नालले भन्नुभयाे ।

दोहोरी साँझमा जीवन दाहाल, लक्ष्मी नेपाली, राम्जी पौडेल, माया केसी लगायतका कलाकारको नियमित प्रस्तुती रहनेछ । बेला–बेलामा राष्ट्रिय स्तरका अतिथि कलाकार बोलाएर लोक संगीतप्रेमीको सांगीतिक तृष्णा मेटाउने तयारी दोहोरी साँझले गरेको राष्ट्रिय लोक तथा दोहोरी गीत प्रतिष्ठान नेपालका सचिव समेत रहेका लोकदोहोरी गायक जीवन दाहालले बताउनुभयाे ।

रेष्टुरेन्ट मार्फत दिने सेवा बिहान ८ बजेबाट र दोहोरी साँझबाट दिइने सुविधा साँझ ७ बजेबाट नेपाल सरकारले तोकेको समय अनुसार प्रदान गरिने भएकाे छ ।

आजको ट्रेन्डिङ समाचार

धेरै कमेन्ट गरिएका