लामो संघर्ष पछि प्राप्त उपलब्ध गुम्ने खतरा बढ्यो:प्रचण्ड | Samacharpati लामो संघर्ष पछि प्राप्त उपलब्ध गुम्ने खतरा बढ्यो:प्रचण्ड – Samacharpati
Samacharpati
मङ्लबार, अशोज २६, २०७८
  • होमपेज
  • लामो संघर्ष पछि प्राप्त उपलब्ध गुम्ने खतरा बढ्यो:प्रचण्ड

लामो संघर्ष पछि प्राप्त उपलब्ध गुम्ने खतरा बढ्यो:प्रचण्ड

लामो संघर्ष पछि प्राप्त उपलब्ध गुम्ने खतरा बढ्यो:प्रचण्ड

थम्मन थापा, बागलुङ, १६ असोज । नेपाल सरकारका पुर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले लामो संघर्ष पछि प्राप्त उपलब्धी गुम्ने खतरा बढेको बताएका छन।

नेकपा माओवादी केन्द्र ताराखोला गाउँपालिकाले आयोजना गरेको भर्चुअल भेलालाई सम्वोधन गर्दै अध्यक्ष प्रचण्डले यस्तो बताएका हुन । उनले अहिले देशभर केपी आतङ्क रहेको भन्दै त्यसलाई परास्त गर्न आम कार्यकर्ता र नागरिक सचेत हुनुपर्ने उल्लेख गरेका छन् ।

प्रतिकृयावादी शक्तिहरुले जनतालाई भ्रम सिर्जना गरेकोले सचेत हुन अपिल समेत गरे आफुले देशमा ठुलो कम्युनिष्ट शक्ति निर्माण गरि देशलाई सम्वृद्वी तर्फ लैजाने योजना अनुरुप नेकपा एमाले सँग पार्टी एकता गरेतापनि गलत प्रवृति र केपी ओलीको गुटगत राजनितीले सपना चकनाचुर भएको प्रचण्डले उदघोष गरेका छन् ।

अब फेरी जनताको घरदैलोमा माओवादी केन्द्र आफना एजेण्डा र उपलब्धी सहित जानु पर्ने बताए । सम्वोधनका क्रममा प्रचण्डले मन्त्रिपरिषद् विस्तार केही दिन लम्बिन सक्ने संकेत समेत गरेका छन् ।

नेकपा माओवादी ताराखोलाले आयोजना गरेको भर्चुअल प्रशिक्षण कार्यक्रममा प्रचण्डले यस्तो संकेत गरेका हुन् । शुक्रबार बिहान पनि प्रधानमन्त्री शेरबहादुर देउवासँग छलफल भएको बताउँदै नेकपा एकीकृत समाजवादीका अध्यक्ष माधव नेपाल अस्वस्थ्य हुँदा मन्त्रिपरिषद् विस्तार लम्बिन सक्ने बताएका थिए ।

‘माधव जीसँग फोनमा कुराकानी भएको छ, उहाँ रुघाखोकीबाट ग्रसित हुनुहुन्छ,’ प्रचण्डले भने, ‘डाक्टरले केही दिन अस्पतालमा बस्नुपर्छ भनेका कारण मन्त्रिपरिषद् विस्तार केही दिन ढिला हुनसक्छ । तर अन्य साथीहरु लागेको हुनाले आजभोलिमा पनि टुंगिन सक्छ । ’ सो अवसरमा प्रचण्डले माओवादी जनयुद्धबाट प्राप्त उपलब्धिलाई जनतामाझ पुर्याउनु पर्ने बताएका छन् ।

२०६४ सालपछि माओवादी बिग्रेको बताउँदै पहिलो कुरा नेतृत्व सच्चिँदै जाने हो भने फेरि पार्टीले नयाँ तरिकाले अगाडी बढ्ने बताए । उनले अहिलेको ५ दलिय गठबन्धन चुनावसम्म लैजाने विषयमा छलफल चलिरहेको बताउँदै विचार मिल्नेसँग छलफल जारी राख्न कार्यकर्तालाई आग्रह गरेका छन् ।

हामी केन्द्रमा एकता अथवा गठबन्धन कायम राख्ने विषयमा छलफल चलाइरहेका छौं,’ उनले भने– ‘तपाईंहरुले पनि अन्य पार्टीका साथीहरुसँग छलफल चलाएर वातावरण बनाउनुहोस् ।’ भर्चुअल भेलामा नेकपा माओवादी केन्द्रका नेता कार्यकर्ताको उल्लेख्य सहभागिता रहेको थियो ।

आजको ट्रेन्डिङ समाचार

लोकप्रिय यो साता