स्याङ्जामा बार अनुसार मालपोतको सेवा | Samacharpati स्याङ्जामा बार अनुसार मालपोतको सेवा – Samacharpati
Samacharpati
आइतवार, अशोज १०, २०७८
  • होमपेज
  • स्याङ्जामा बार अनुसार मालपोतको सेवा

स्याङ्जामा बार अनुसार मालपोतको सेवा

स्याङ्जामा बार अनुसार मालपोतको सेवा

स्याङ्जा । स्याङ्जाको वालिङमा रहेको मालपोत कार्यालयले बारअनुसार सेवा प्रवाह थालेको छ । विश्वव्यापी महामारीका रूपमा तीव्र गतिमा फैलिरहेको नयाँ भेरियन्टसहितको कोभिड १९ को संक्रमणको जोखिमलाई दृष्टिगत गर्दै बारअनुसार पालिका निर्धारण गरी सेवा प्रवाह गरिएको मालपोत अधिकृत रविन अधिकारीले बताए ।

कोभिड १९ को संक्रमणलाई दृष्टिगत गर्दै भूमि व्यवस्थापन तथा अभिलेख विभागले मालपोत कार्यालयबाट हुने अत्यावश्यकमात्र सेवा प्रवाह गर्नु भनेर स्थानीय प्रशासनको समन्वयमा स्वास्थ्य सुरक्षा मापदण्डअनुसार निर्देशन भएकाले सोही अनुसार गरिएको उनले बताए ।

कार्यालयले आइतबार र सोमबार वालिङ तथा भीरकोट नगरपालिका, मंगलबार र बुधबार चापाकोट नगरपालिका, बिरुवा र हरिनास गाउँपालिका, बिहीबार र शुक्रबार गल्याङ नगरपालिका तथा कालीगण्डकी गाउँपालिकाका सेवाग्राहीलाई सेवा प्रवाह गर्ने मालपोत अधिकृत अधिकारीले बताए। कार्यालयले बारअनुसार पालिका छुट्याएको छ भने सीमितमात्रै सेवा सञ्चालन गरेको छ । जग्गा दृष्टिबन्धक, जग्गा फुकुवा, राजीनामा, सामान्य संशोधन, प्रतिलिपिजस्ता सेवा सञ्चालन गरेको भए पनि बकससम्बन्धी सेवा, अंशबन्डा, नामसारी, स्रेस्ता कायम गर्नेलगायत अन्य सेवा तत्कालका लागि बन्द गरिएको छ ।

बारअनुसार पालिका छुट्याउँदा कार्यालयमा सेवाग्राहीको भीड कम भई संक्रमणको जोखिम न्यून हुने भएकाले यो विधि अपनाइएको उनले बताए। यसैबीच जिल्ला प्रशासन कार्यालयले यही असार १५ गतेसम्म जारी रहेको निषेधाज्ञालाई लम्ब्याएर यही असार २५ गतेसम्म पु¥याएको छ ।

आजको ट्रेन्डिङ समाचार