खोपको व्यवस्था गरी व्यवसाय संचालनको वातावरण बनाउन पोउवा संघको आग्रह | Samacharpati खोपको व्यवस्था गरी व्यवसाय संचालनको वातावरण बनाउन पोउवा संघको आग्रह – Samacharpati
Samacharpati
आइतवार, अशोज १०, २०७८
  • होमपेज
  • खोपको व्यवस्था गरी व्यवसाय संचालनको वातावरण बनाउन पोउवा संघको आग्रह

खोपको व्यवस्था गरी व्यवसाय संचालनको वातावरण बनाउन पोउवा संघको आग्रह

खोपको व्यवस्था गरी व्यवसाय संचालनको वातावरण बनाउन पोउवा संघको आग्रह

पोखरा, असार । पोखरा उद्योग वाणिज्य संघले निषेधाज्ञा खुकुलो बनाइएकोमा सन्तोष व्यक्त गर्दै सबै व्यवसाय निर्वाध संचालनको अवस्था सिर्जना गर्न सरोकारवालासँग माग गरेको छ र कास्की प्रशासनले मंगलबार राति १२ बजेदेखि व्यापार–व्यवसाय गर्ने समयसीमा बिहान ११ बजेदेखि साँझ ६ बजेसम्म कायम गराएकोमा धन्यवाद दिँदै संघले स्वास्थ्य मापदण्ड पूरा गर्दै सबै व्यवसाय खोल्ने वातावरण निर्माणको लागि आग्रह गरेको छ ।

संघका महासचिव सुरेन्द्रमान विजुक्छेद्धारा मंगलबार जारी विज्ञप्तिमा यसअघि कायम गरिएको व्यवसाय खोल्ने समयावधि परिमार्जनको लागि गरिएको सुझाव कार्यान्वयन भएकोमा जिल्ला प्रशासन कार्यालय कास्की र जिल्ला कोभिड व्यवस्थापन समितिलाई धन्यवाद ज्ञापन पनि गरिएको छ ।‘निषेधाज्ञाको अत्यहीन श्रृंखला समस्याको समाधान हैन’,महासचिव विजुक्छेद्धारा जारी विज्ञप्तिमा भनिएको छ,‘ अत : पोखरा उद्योग वाणिज्य संघ स्वास्थ्य मापदण्ड पूरा गर्दै सबै व्यवसाय खोल्ने वातावरण निर्माणको लागि सरोकारवाला निकायहरुसँग जोडदार माग गर्दछ ।’

कोभिडकै कारण संघका पूर्वअध्यक्ष, कार्यसमिति सदस्य र साधारण सदस्य गुमाउनु परेको र धेरैजना व्यवसायी संक्रमित भएको तथ्य पेश गर्दै विज्ञप्तिमा स्वास्थ्य मापदण्ड कायम गर्दै व्यवसाय गर्न आग्रह पनि गरिएको छ ।

आजको ट्रेन्डिङ समाचार