पहिरोले पृथ्वी राजमार्ग अवरुद्ध • Nepal's Trusted Digital Newspaperपहिरोले पृथ्वी राजमार्ग अवरुद्ध • Nepal's Trusted Digital Newspaper
  • होमपेज
  • पहिरोले पृथ्वी राजमार्ग अवरुद्ध

पहिरोले पृथ्वी राजमार्ग अवरुद्ध

  • बुधबार, असार १६, २०७८
पहिरोले पृथ्वी राजमार्ग अवरुद्ध

१६ असार तनहुँ : पहिरोले म्याग्देस्थित थर्पुमा पृथ्वी राजमार्ग अवरुद्ध भएको छ। मंगलबार रातिदेखि परेको वर्षाका कारण लेदो माटो झर्दा म्याग्दे–४ मा बुधबार बिहानदेखि राजमार्ग अवरुद्ध भएको हो।

लेदो माटोका कारण १२ चक्के ठूलो गाडी फसेपछि राजमार्ग अवरुद्ध भएको थर्पुका प्रहरी नायब निरीक्षक कृष्णबहादुर बानियाँले जानकारी दिए। ‘पहिरो झरे पनि साना सवारी सञ्चालन भइरहेका थिए, १२ चक्के गाडीले जबरजस्ती हालिदिएपछि लेदो माटोका कारण सवारी फस्यो,’ उनले भने, ‘त्यसलाई हटाएर राजमार्ग सञ्चालन गराउने प्रयास भइरहेको छ।’

उक्त सवारी हटाउन जेसीभीका लागि सडक कार्यालयसँग समन्वय गर्न खोजे पनि सम्पर्क हुन नसकेपछि स्थानीय व्यक्तिको जेसीभी ल्याएर काम गर्न शुरु भएको उनले बताए।

आजको ट्रेन्डिङ समाचार

धेरै कमेन्ट गरिएका