कलाकारको वास्तविक नामः साहरुखको अब्दुर, अजयको विशाल | Samacharpati कलाकारको वास्तविक नामः साहरुखको अब्दुर, अजयको विशाल – Samacharpati
Samacharpati
शनिबार, मंसिर १८, २०७८
शनिबार, मंसिर १८, २०७८
  • होमपेज
  • कलाकारको वास्तविक नामः साहरुखको अब्दुर, अजयको विशाल

कलाकारको वास्तविक नामः साहरुखको अब्दुर, अजयको विशाल

कलाकारको वास्तविक नामः साहरुखको अब्दुर, अजयको विशाल

बलिउडका धेरै कलाकारले रंगिन दुनियाँमा आएपछि आफ्नो नाम परिवर्तन गरेका छन् । बलिउडका नायक साहरुख खानको वास्तविक नाम अब्दुर रहमान हो । तर, यो नाम आफूलाई मन नपरेपछि उनले नाम परिवर्तन गरे । अब्दुर नाम हटाएर साहरुख राखेका साहरुख खान आज यही नामले विश्वमा चर्चित छन् ।

उनी, मात्र होइन बलिउडका धेरै कलाकारले आफ्नो नाम परिवर्तन गरेका छन् । सन् १९६९ अप्रिल २ तारिखमा जन्मिएका नायक अजय देवगणको वास्तविक नाम विशाल विरु देवगण थियो । उनका पिता विरु देवगण चर्चित निर्देशक थिए । सन् १९९१ मा बलिउडमा प्रवेश गरेसँगै विशाल नाम परिवर्तन गरेर अजयले अजय देवगण राखेका थिए । उक्त समय मनोज कुमारका छोरा विशाल यो क्षेत्रमा चर्चित थिए । यसैले, अजयले नाम एउटै हुँदा समस्या पर्ने वुझेर परिवर्तन गरेका थिए ।

बलिउड नायक अमिताभ बच्चनकी आमा तेजी वच्चन स्वतन्त्रताको लडाइमा सहभागी थिइन् । सोही समयमा तेजीलाई एक आन्दोलनकारीले छोराको नाम इंकलाब राख्न सुझाव दिए । तेजी यो कुरामा तयार पनि थिइन् । तर, कवि सुमित्रता नन्दन पन्तले बच्चाको नाम अमिताभ राखिन् ।

यस्तै, नायिका शिल्पा सेट्टीले पनि बलिउडमा आउनु अघि आफ्नो नाम परिवर्तन गरेकी थिइन् । उनको वास्तविक नाम अश्विनी सेट्टी हो ।

नायिका महिमा चौधरीको वास्तविक नाम रितु चौधरी हो । उनको नाम निर्देशक सुभाष घइले बलिउडमा प्रवेश गरेपछि बदलिदिएका थिए ।

नायिका मल्लिका शेरावतको नाम रीमा लाम्बा हो । नायिकाले आफ्नो परिवारको अनुमतीविना नै बलिउडमा पाइला राखेकी थइन् । सोही समय नै उनले नाम परिवर्तन गरेर मल्लिका राखेकी हुुन् । बलिउडका चर्चित नायक दिलिप कुमारको वास्तविक नाम मोहम्मद युसुफ खान हो । नायिका देविका रानीले चलचित्र ज्वारभाटामा दिलिपलाई मुख्य भूमिकामा राखेकी थिइन् । सोही समयमा नै मोहम्मद नाम परिवर्तन गरेर देविकाले दिलिप कुमार राखिदिएकी थिइन् ।

यी बाहेक नायिका मधुवालाको वास्तविक नाम बेगम मुमताज जहन दलहावी हो । नायक सलमान खानको वास्तविक नाम अब्दुल राशिद सलिम खान हो भने इरफान खानको वास्तविक नाम साहबजादे इरफान अली खान हो ।

नायिका तब्बुको वास्तविक नाम तबस्सुन हासिम खान हो भने नायक मनोज कुमारको हरिकृष्ण गिरी गोस्वामी हो । नायक जोन अब्राहमको वास्तविक नाम फरहान अब्राहम हो भने मिथुन चक्रवर्तीको वास्तविक नाम गोरंग चक्रवर्ती हो ।

नायिका रेखाको वास्तविक नाम भानुरेखा गणेशन हो भने नायक अक्षय कुमारको वास्तविक नाम राजिव हरिओम भाटिया हो । यी बाहेक राजेश खन्नाको जतिन खन्ना, कियारा आडवाणीको आलिया आडवाणी, देव आनन्दको धमेन्द्र देवदत्त पिशोरिमल आनन्द, जोनी लिवरको जाना प्रकासा राव जनुमाला, रजनीकान्तको शिवाजी राव गायकवाड, प्रिती जिन्टाको प्रितम सिंह जिन्टा र सनी लियोनीको करनजीत कौर वोहरा हो ।

आजको ट्रेन्डिङ समाचार