खोपको सुनिश्चितता गर्न पोखरा उद्योग वाणिज्य संघकाे माग | Samacharpati खोपको सुनिश्चितता गर्न पोखरा उद्योग वाणिज्य संघकाे माग – Samacharpati
Samacharpati
सोमवार, भदौ २१, २०७८
  • होमपेज
  • खोपको सुनिश्चितता गर्न पोखरा उद्योग वाणिज्य संघकाे माग

खोपको सुनिश्चितता गर्न पोखरा उद्योग वाणिज्य संघकाे माग

खोपको सुनिश्चितता गर्न पोखरा उद्योग वाणिज्य संघकाे माग

पोखरा, ३ असार । पोखरा उद्योग वाणिज्य संघले कोभिड १९ विरुद्धको खोप कार्यक्रममा उद्योगी/व्यवसायीहरुलाई प्राथमिकतामा राख्न माग गरेको छ । संघले जिल्ला प्रशासन कार्यालय कास्की तथा पोखरा महानगरपालिकालाई बुधबार ज्ञापनपत्र बुझाउँदै सो माग गरेको हो ।

संघका अध्यक्ष नारायण कोइराला,महासचिव सुरेन्द्रमान विजुक्छे, कोषाध्यक्ष बलराम आचार्य, उपमहासचिव केशवबहादुर खत्रीसहितको प्रतिनिधिमण्डलले जिल्ला प्रशासन कार्यालयमा बुझाएको ज्ञापनपत्रमा विभिन्न प्रकारका सामग्रीहरुको आपूर्ति गर्ने बाध्यतामा रहेका व्यवसायीहरु जोखिमपूर्ण अवस्थामा रहेको स्मरण गराइएको छ ।

‘आपूर्ति व्यवस्थालाई चुस्त राख्नु व्यवसायीको बाध्यता हो’, संंघका अध्यक्ष कोइरालाले भने,‘ त्यसलै व्यवसायीहरुलाई पनि जोखिमपूर्ण नागरिकको सूचिमा राख्दै खोपको प्रबन्ध गरिनुपर्छ भन्ने हाम्रो माग हो ।’

पोखरा महानगपालिकाका मेयर मानबहादुर जिसीलाई बुझाइएको ज्ञापनपत्रमा निषेधाज्ञाका कारण व्यापार व्यवसाय बन्द रहेकाले घरभाडा कर तथा व्यवसाय नवीकरण शुल्कमा छुटको माग गरिएको संघका महासचिव सुरेन्द्रमान विजुक्छेले बताए । त्यसैगरी महानगरसँग संघले व्यवसायीलाई कोभिडविरुद्धको खोप दिने प्राथमिकता सूचिमा राख्न पनि आग्रह गरेको छ ।

आजको ट्रेन्डिङ समाचार