स्वास्थ्यलाई प्राथमिकता दिएर बजेट ल्याउन काँग्रेसका जिल्ला सभापतिहरुको माग | Samacharpati स्वास्थ्यलाई प्राथमिकता दिएर बजेट ल्याउन काँग्रेसका जिल्ला सभापतिहरुको माग – Samacharpati
Samacharpati
सोमवार, भदौ २१, २०७८
  • होमपेज
  • स्वास्थ्यलाई प्राथमिकता दिएर बजेट ल्याउन काँग्रेसका जिल्ला सभापतिहरुको माग

स्वास्थ्यलाई प्राथमिकता दिएर बजेट ल्याउन काँग्रेसका जिल्ला सभापतिहरुको माग

स्वास्थ्यलाई प्राथमिकता दिएर बजेट ल्याउन काँग्रेसका जिल्ला सभापतिहरुको माग

पोखरा। गण्डकी प्रदेश अन्तर्गत रहेका नेपाली काँग्रेसका आठ जिल्लाले स्वास्थ्य क्षेत्रलाई मुख्य प्राथमिकता दिएर आगामी आर्थिक वर्षको बजेट ल्याउन माग गरेका छन् ।

गण्डकी प्रदेशका आठ जिल्लाका सभापति र सचिवहरुले सोमबार गण्डकी प्रदेशका मुख्यमन्त्री कृष्णचन्द्र नेपाली पोखरेललाई सामूहिक रुपमा भेटेर त्यस्तो माग गरेका कास्की काँग्रेसका प्रवक्ता नवीन सिग्देलले बताउनुभयो ।

‘अहिलेको मुख्य प्राथमिकता कोभिड विरुद्वको खोप हो, खोपलाई प्राथमिकतामा राख्न अनुरोध गर्दछौं, जिल्ला सभापतिहरुको भनाई उदृत गर्दै प्रवत्ता सिग्देलले भन्नुभयो – खोपसँगै कोभिड प्रभावित क्षेत्रलाई महत्व दिन जिल्ला सभापतिहरुले अनुरोध गर्नुभएको छ ।’

कास्की काँग्रेसका सभापति कृष्ण केसीले सुशासन, विपत् व्यवस्थापन, कोरोना संक्रमित, संक्रमित परिवार र प्रभावित क्षेत्रलाई राहत हुने गरी बजेट ल्याउन आग्रह गर्नुभयो ।

तनहुँ नेपाली काँग्रेसका सभापति बैकुण्ठ न्यौपानेले संविधान, संघीयता र विकासलाई मुख्य प्राथमिकता दिन आग्रह गर्नुभयो ।

सभापतिहरुले पूर्व मुख्यमन्त्रीलाई सुविधा दिने निर्णयप्रति ध्यानाकर्षण गराएपछि मुख्यमन्त्री पोखरेलले त्यस विषयमा कुनै निर्णय नभएको स्पष्ट पार्नुभयो । पूर्व मुख्यमन्त्रीको सुविधाको विषयमा बाहिर आएको कुरामा सत्यता छैन, मुख्यमन्त्री पोखरेलले भन्नुभयो ।

त्यसक्रममा नेपाली काँग्रेस लमजुङका सभापति भेष बहादुर पौडेल, म्याग्दीका सभापति खमवीर गर्बुजा, स्याङ्जाका सभापति कुमार राना, बाग्लुङका सभापति दिपेन्द्र बहादुर थापा, नवलपुर सभापति विष्णु लामिछाने र गोखरका सचिव नन्दु न्यौपानले विभिन्न सुझाव दिनुभएको थियो ।

उहाँहरुले सामूहिक रुपमा मुख्यमन्त्री पोखरेललाई बधाई ज्ञापन पनि गर्नुभएको थियो ।

आजको ट्रेन्डिङ समाचार