‘समयमा निर्वाचन गराउन नसक्नु पार्टीको कमजोरी पनि हो ’:- डा शशाङ्क कोइराला • Nepal's Trusted Digital Newspaper‘समयमा निर्वाचन गराउन नसक्नु पार्टीको कमजोरी पनि हो ’:- डा शशाङ्क कोइराला • Nepal's Trusted Digital Newspaper
  • होमपेज
  • ‘समयमा निर्वाचन गराउन नसक्नु पार्टीको कमजोरी पनि हो ’:- डा शशाङ्क कोइराला

‘समयमा निर्वाचन गराउन नसक्नु पार्टीको कमजोरी पनि हो ’:- डा शशाङ्क कोइराला

  • शनिबार, माघ १०, २०७७
‘समयमा निर्वाचन गराउन नसक्नु पार्टीको कमजोरी पनि हो ’:- डा शशाङ्क कोइराला

महेन्द्रनगर, १० माघ । नेपाली काँग्रेसका महामन्त्री डा शशाङ्क कोइरालाले मुलुकमा राजनीतिक अवस्था अस्थिर हुँदै गएकाले तोकिएको समयमा निर्वाचन हुने सम्भावना नरहेको बताउनुभएकाे छ ।

कञ्चनपुरको महेन्द्रनगरमा शनिबार बिहान आयोजित पत्रकार सम्मेलनमा बोल्दै उहाँले कम्युनिष्ट पार्टी फुटी नसकेको र निर्वाचन आयोगले दिने चुनाव चिह्नलगायतका कारणले निर्वाचन हुने स्पष्ट नरहेको बताउनुभएकाे हाे ।

‘हाम्रो आग्रह संसद् पुनःस्थापनाका लागि हो’, कोइरालाले भन्नुभयाे, ‘पहिलो प्राथमिकता संसद् पुनःस्थापना हु्नुपर्छ भन्ने हो ।’ त्यसैगरी पार्टी महाधिवेशन क्रियाशील सदस्यताको नामावली सङ्कलन गर्न नसक्नु र अहिलेको राजनीतिक परिस्थितीले गर्दा समयमा हुन नसकेको उहाँले बताउनुभयाे ।

‘जिल्ला-जिल्लाबाट आउनुपर्ने क्रियाशीलको नामावली अझै आउन सकेको छैन’, उहाँले भन्नुभयाे, ‘समयमा निर्वाचन गराउन नसक्नु पार्टीको कमजोरी पनि हो ।’ मातृशोकमा रहेका नेपाली काँग्रेसका नेता दिलेन्द्रप्रसाद बडूलाई भेट्न महामन्त्री डा कोइरालासहितका केन्द्रीय नेताहरुको टोली शुक्रबार साँझ कञ्चनपुर आइपुगेको थियो ।

आजको ट्रेन्डिङ समाचार

धेरै कमेन्ट गरिएका