‘मोडल हन्ट नेपाल’ को आवेदन खुल्ला • Nepal's Trusted Digital Newspaper‘मोडल हन्ट नेपाल’ को आवेदन खुल्ला • Nepal's Trusted Digital Newspaper
  • होमपेज
  • ‘मोडल हन्ट नेपाल’ को आवेदन खुल्ला

‘मोडल हन्ट नेपाल’ को आवेदन खुल्ला

  • मङ्लबार, पुस २८, २०७७
‘मोडल हन्ट नेपाल’ को आवेदन खुल्ला

काठमाडौं, २८ पुस । प्रस्तुति, चर्चा र आयोजनाको दृष्टिले नेपाली मोडलिङ प्रतियोगितामा बृहत् र स्तरिय मानिएको सौदर्य प्रतियोगिता ‘मोडल हन्ट नेपाल’को छैठौं संस्करण सुरु भएको छ । आयोजक नेक्स्ट मोडल्स नेपालले मंगलबार एक बिज्ञप्ती जारी गर्दै ‘मोडल हन्ट नेपाल’को नयाँ सेसनका लागि आवेदन खुल्ला भएको जनाएको हो ।

MG 1827

१६ देखि २८ वर्ष उमेर समूहका युवायुवतीले सहभागीता जनाउन सक्ने प्रतियोगितामा युवाको हकमा कम्तीमा ५ फिट ६ इन्च उँचाई तथा युवतीको हकमा कम्तीमा ५ फिट २ इन्च उँचाई हुनुपर्ने मुख्य प्रावधान राखिएको छ ।

उचित ज्ञान सहित देश तथा विदेशका प्लेटफर्ममा सजिलै अवसर पाउन सक्ने ब्यावसाहिक मोडल उत्पाद गर्ने उदेश्यले बिगत ६ बर्षदेखि नियमित आयोजना हुँदै आएको प्रतियोगीतामा पछिल्लो समय युवा युवतीको आकर्षण समेत बढ्दो रहेको आयोजक नेक्स्ट मोडल्स नेपालका अध्यक्ष रवि धमलाले बताउनुभयाे ।

MG 1794

प्रतियोगिताका लागि पहिलो चरणको अडिसन अगामी माघ १० गते काठमाडौमा आयोजना हुँदैछ । पहिले चरणको प्रतियोगितामा छानिएका प्रतियोगीले मात्र फाइनल प्रतिस्पर्धामा सहभागी जनाउन सक्नेछन् ।

फाइनल स्पर्धाका लागि छानिएका प्रतियोगीलाई मोडलिङ सम्बन्धी व्यक्तित्व विकाश, शारारिक बनावट, मोडल हिंडाई, आत्मविश्वास, एटिट्युडलगायत विभिन्न थीममा आधारित फोटोशुट, रनवे प्रस्तुतिकरण लगायतका ३५ दिनको ग्रुमिङ कक्षामा सहभागी गराइनेछ ।

प्रतियोगिताको विजेताले नगद एक लाख सहित उपाधिका साथमा दक्षिण कोरियामा सचालन हुने ‘लक्जरी ब्राण्ड मोडल अवार्ड’मा नेपालको प्रतिनिधित्व गर्दै सहभागिताको अवसर प्राप्त गर्नेछन् भने मोडलिङको विभिन्न विधा तथा मिडिया विशेष अवसर प्राप्त गर्नेछन् ।

यसबाहेक राष्ट्रिय तथा अन्तर्राष्ट्रिय फेसन सप्ताहमा सहभागिता, वेभ म्यागाजिनको कभर पेजमा तस्बिरको अवसर समेत प्राप्त आयोजक जनाएको छ ।

आजको ट्रेन्डिङ समाचार

धेरै कमेन्ट गरिएका