सुदूरपश्चिम प्रदेशमा शङ्कास्पद ७७३ जनाको नमूना परीक्षणमा ११३ जनामा काेराेना पुष्टि | Samacharpati सुदूरपश्चिम प्रदेशमा शङ्कास्पद ७७३ जनाको नमूना परीक्षणमा ११३ जनामा काेराेना पुष्टि – Samacharpati
Samacharpati
मङ्लबार, भदौ २२, २०७८
  • होमपेज
  • सुदूरपश्चिम प्रदेशमा शङ्कास्पद ७७३ जनाको नमूना परीक्षणमा ११३ जनामा काेराेना पुष्टि

सुदूरपश्चिम प्रदेशमा शङ्कास्पद ७७३ जनाको नमूना परीक्षणमा ११३ जनामा काेराेना पुष्टि

सुदूरपश्चिम प्रदेशमा शङ्कास्पद ७७३ जनाको नमूना परीक्षणमा ११३ जनामा काेराेना पुष्टि

काठमाडौँ, १८ पुस । सुदूरपश्चिम प्रदेशमा गएको तीन दिनमा कोभिड—१९का शङ्कास्पद ७७३ जनाको नमूना परीक्षण गरिँदा ११३ जनामा काेराेना सङ्क्रमण पुष्टि भएको छ ।

सङ्क्रमित हुनेमा कैलाली, कञ्चनपुर, अछाम, बैतडी, अछाम, बाजुरा र डडेलधुरा, डोटीलगायत जिल्लाका छन् ।

सामाजिक विकास मन्त्रालयका अनुसार पछिल्लो २४ घण्टामा ३७ जनामा कोरोना सङ्क्रमणको पुष्टि भएको छ । तीन दिनमा थपिएका सङ्क्रमितसमेत हालसम्म प्रदेशमा कोभिड—१९ का कूल सङ्क्रमित १३ हजार ६१६ पुगेका छन् ।

उपचार व्यवस्थापनपछि १० हजार ९८७ जना डिस्चार्ज भएका छन् । निको हुने दर पछिल्ला दिनमा घट्दै गएको छ । तीन दिनमा १६ जना मात्र उपचार व्यवस्थापनपछि डिस्चार्ज भएका छन् ।

सङ्क्रमितको मृत्यु हुने दर पनि रोकिएको छैन । हालसम्म प्रदेशका विभिन्न जिल्लाका ५० सङ्क्रमितको मृत्यु भएको तथ्याङ्कमा उल्लेख छ । होम आइसोलेसन र प्रदेश बाहिरका जिल्लामा मृत्यु हुने कतिपयको तथ्याङ्क भने मन्त्रालयसँग छैन ।

सेती प्रादेशिक अस्पतालमा कोरोना सङ्क्रमणको जटिल अवस्थाका तीन जनाको सघन उपचार कक्ष (आईसीयू)मा र एक जनाको भेन्टिलेटरमा उपचार व्यवस्थापन भइरहेको छ ।

प्रदेशमा हालसम्म शङ्कास्पद एक लाख ३२ हजार ४३५ को नमूना सङ्कलन गरिएकोमा एक लाख ३१ हजार ७०२ को परीक्षण गरिएको छ ।

आजको ट्रेन्डिङ समाचार