सुबास अम्गाई र गणेश सापकोटालाई सर्वोकृष्ट लोकदोहोरी सम्पादन र छायांकन अवार्ड | Samacharpati सुबास अम्गाई र गणेश सापकोटालाई सर्वोकृष्ट लोकदोहोरी सम्पादन र छायांकन अवार्ड – Samacharpati
Samacharpati
शनिबार, कार्तिक ६, २०७८
  • होमपेज
  • सुबास अम्गाई र गणेश सापकोटालाई सर्वोकृष्ट लोकदोहोरी सम्पादन र छायांकन अवार्ड

सुबास अम्गाई र गणेश सापकोटालाई सर्वोकृष्ट लोकदोहोरी सम्पादन र छायांकन अवार्ड

सुबास अम्गाई र गणेश सापकोटालाई सर्वोकृष्ट लोकदोहोरी सम्पादन र छायांकन अवार्ड

पोखरा, १५ पुस । पोखरामा रहेर गीत संगीत सम्पादन गर्दै आएका सम्पादक सुबास अम्गाई र छायंकन गर्दै आएका गणेश सापकोटाले यस वर्षको सर्वोकृष्ट लोक दोहोरी सम्पादक तथा छायंकन अवार्ड हात पार्नुभएकाे छ ।

काठमाण्डौंमा सम्पन्न नेशनल पावर म्युजिक अवार्डबाट उहाँहरु सर्बोकृष्ट छानिनुभएकाे हाे । बिगत लामो समय देखी पोखरामा रहेर म्युजिक भिडियो उत्पादनमा तल्लीन रहनुभएका द्वय अम्गाई र सापकोटालाई नकुल ढकाल नबिनको संदेशमुलक गीत मुखियाका नातीबाट अवार्ड प्रदान गरिएको हो ।

गीतमा नकुल ढकाल सहित बसन्त थापाको आवाज छ भने भिडियोको निर्देशन तारानाथ आचार्यले गर्नुभएकाे हाे । अवार्ड प्राप्त गरेपछि आफूलाई झन जिम्मेवारीबोध भएको अम्गाईले बताउनुभएकाे छ । टेलिभिजन पत्रकारीता र प्राविधिक क्षेत्रमा राम्रो अनुभव बटुल्नुभएका अम्गाई फलानो क्रियशनका संचालक समेत हुनुहुन्छ ।

पोखरामै केही गर्न सकिन्छ भनेर नै करिब ८ बर्ष अघि अपिल त्रिपाठी, सरोज अधिकारीहरुसंग मिलेर फलानो क्रियशन निर्माण गरिएको र हाल सम्म सयौ गीतसंगीत तथा फिल्म, टेलिभिजन बिज्ञापनहरु उत्पादन गरिएको उहाँले बताउनुभएकाे छ ।

गण्डकी टेलिभिजनमार्फत पत्रकारीतामा प्रवेश गर्नुभएका अम्गाई फेवा टेलिभिजनको सुरुवती चरणबाटै प्रोडक्नस प्रमुख हुँदै प्रशारण बिभागको जिम्मेवारीमा रहेर समेत काम गर्नुभएकाे थियाे । सम्पादन र छायंकनको समेत अवार्ड हात परेपछि पोखरामा पनि उत्कृष्ट भिडियोहरु उत्पादन हुन्छन् र पोष्ट प्रोडक्सनका सबै कामहरु गर्न अब राजधानी ताक्नु पर्दैन भन्ने कुरा प्रमाणित गरेको समेत उहाँले बताउनुभयाे ।

सर्वोकृष्ट छायंकनको अवार्ड प्राप्त गर्ने गणेश सापकोटा पनि बिगत लामो समय देखी गीत संगीतको छायंकन तथा उत्पादनमा क्रियाशिल क्यामरा मेन हुनुहुन्छ । अवार्डले आफूमा थप उर्जा मिलेको बताउँदै सापकोटाले सबै कुराहरु राजधानीमा मात्र छ र हुन्छ भन्ने मानसिक्तबाट पछि हट्न सबैमा आग्रह गर्नुभएकाे छ ।

मोफसलमा पनि राम्रा र उत्कृष्ट कामहरु हुने कुरा यस अवार्डले देखाएको समेत बताउनुभयाे । मुखियाको नाती गीतको छायंकनीय पक्ष मन पराईदिएकोमा सबै दर्शकहरुलाई धन्यवाद दिदै गीतको छायंकनका लागी अवसर प्रदान गर्ने गीतका सर्जक नकुल ढकाल र निर्देशक तारानाथ आचार्यलाई समेत उहाँले धन्यवाद दिनुभयाे । उहाँले भन्नुभयाे एउटै गीतको छायंकन र सम्पादन पक्ष सर्बोकृष्ट हुनु भनेको गीतको निर्देशन र शब्दचयनको पक्ष पनि राम्रो हुनु हो ।

आजको ट्रेन्डिङ समाचार