रत्नपार्कको नाम परिवर्तन गर्ने निर्णय नसच्याए अवरोध गर्न बाध्य हुने कमल थापाको चेतावनी • Nepal's Trusted Digital Newspaperरत्नपार्कको नाम परिवर्तन गर्ने निर्णय नसच्याए अवरोध गर्न बाध्य हुने कमल थापाको चेतावनी • Nepal's Trusted Digital Newspaper
  • होमपेज
  • रत्नपार्कको नाम परिवर्तन गर्ने निर्णय नसच्याए अवरोध गर्न बाध्य हुने कमल थापाको चेतावनी

रत्नपार्कको नाम परिवर्तन गर्ने निर्णय नसच्याए अवरोध गर्न बाध्य हुने कमल थापाको चेतावनी

  • सोमवार, मंसिर ८, २०७७
रत्नपार्कको नाम परिवर्तन गर्ने निर्णय नसच्याए अवरोध गर्न बाध्य हुने कमल थापाको चेतावनी

काठमाडौं, ८ मङसिर । राष्ट्रिय प्रजातन्त्र पार्टीका अध्यक्ष कमल थापाले रत्नपार्कको नाम परिवर्तन गर्ने निर्णय सच्याउन सरकारलाई चेतावनी दिनुभएकाे छ ।

सामाजिक संजाल ट्वीटमार्फत अध्यक्ष थापाले इतिहास मेटाउने कार्य स्वीकार्य नहुने भन्दै निर्णय नसच्याए अवरोध गर्न बाध्य हुने चेतावनी दिनुभएकाे हाे ।

उहाँले लेख्नुभएकाे छ, ‘रत्नपार्कको नाम परिवर्तन गर्ने काठमाडौं महानगरपालिकाको निर्णय गलत छ । श्री ५ महेन्द्रको जीवनसंगीनी राजा वीरेन्द्र र ज्ञानेन्द्रकी माता र हाल बृद्ध जीवन विताई रहनुभएकी श्री ५ मुमाबडामहारानी रत्नको ईतिहास मेटाउने कार्य अस्विकार्य छ । निर्णय सच्याईयोस् । जवरजस्ती गर्न खोजिए अवरोध गर्न वाध्य हुनेछौं।’Enough is Enough

त्यस्तै थापाले राष्ट्रिय विभूति शंखधर साख्वा अरु कसैको नाममा बनेर व्यापक प्रचलनमा आइसकेको पार्कलाई नाम फेरेर राखिनु पर्ने पात्र नभएको उल्लेख गर्नुभएकाे छ ।

उहाँले लेख्नुभएकाे छ, ‘नेपाल सम्वतका प्रवर्तक शंखधर र पद्मरत्नको शालिक अन्य कुनै स्थानमा स्थापना गरियोस् । भव्य पार्क बनाईयोस् ।

हाम्रो पुरा सहयोग रहने छ,तर रत्नपार्कको नाम परिवर्तन गर्ने, इतिहास मेटाउने कार्य संकिर्ण र विकास विरोधी छ। निर्णय पुनर्विचार गरियोस् ।

द्वन्द्व निम्त्याउने काम नहोस् । काठमाण्डौ महानगरपालिकाको यो कार्यले राष्ट्रिय विभुति शंखधर साख्वको समेत अवमुल्यन भएको छ ।

राष्ट्रिय विभूति शंखधर साख्वा अरु कसैको नाममा बनेर व्यापक प्रचलनमा आइसकेको पार्कलाई नाम फेरेर राखिनु पर्ने पात्र होईनन् । उहाँको सम्मानको निमत्त पनि यो गलत निर्णय सच्याएर उपयुक्त नायकका ठाउँमा पार्क बनाऔं ।’

IMG 20201122 193936 IMG 20201122 194015 IMG 20201122 194040

आजको ट्रेन्डिङ समाचार

धेरै कमेन्ट गरिएका